Mətbuat-Monitorinq 04.09.14

Rəsmi qəzetlər Türkiyə prezidenti Ərdoğanın Bakı səfəri, keçirdiyi görüşlər, yüksək dövlət mükafatı ilə təltif olunmasına dair xəbərləri ilk səhifədə yerləşdiriblər. 

“Azərbaycan” qəzetinin redaktoru, deputat Bəxtiyar Sadıqov rəhbəri olduğu qəzetdə ölkə mətbuatını naşılıqda, qeyri-peşəkarlıqda, düşmənə xidmətdə ittiham edən iri həcmli məqalə dərc edib.

“Azadlıq” qəzeti Türkiyə prezidenti Ərdoğanın Bakı səfərilə iqtdiarda “nurçu” savaşının yenidən şiddətlənməsini manjetə çıxarıb.

Polis orqanlarının polisin fəaliyyətinin obyektiv işıqlandırılması ilə bağlı mediaya təklifinə media mənsubu Elçin Şıxlı “hüquq-mühafizə orqanlarının işi asayişi qorumaqdır, bizə təklif vermək yox” bəyanatı səsləndirib.

Nərimanov rayon məhkəməsi polis tərəfindən saxlanıldığı zaman işgənclərə məruz qalması ilə bağlı AXCP üzvü Murad Ədilovun qaldırdığı vəsatəti təmin etməyib.

AXCP sdri Əli Kərimli PA-nın rəhbəri Ramiz Mehdiyevin bu günlərdə KİV rəhbərlərilə keçirdiyi toplantını “ biərəkdən və bilməyərkdən ölkə mətbuatanın aşağı səviyyəli olmasını nümayiş etdirən “aşkarlıq” göstəricisi adalndırıb.

Hərbi ekspert Üzeyir Cəfərli hakimiyyətin ən yuxarı təbəqələrindən yaxın vaxtlarda həbsə alınacağı mesajları almasını nəzərə çatdırır.   

“Ekspress” qəzeti rəsmilərin yas məraismlərində ehsan verilməsini məhdudlaşdıran mövqelərini önə çıxarıb.

Ərdoğanın Bakı səfərinə şərh verən ekspertlər onu “faydalı və qiymətli” adlandırıblar.

Ölkə prokurorluğu dövlət sirrinin yayılmasına görə daha sərt cəza nəzərdə tutan qsnun layihəsi hazırlayıb.   

“Exo” qəzeti Beynəlxalq İqtisadi Forumun rəqabət aparmaq reytinqinə görə Azərbaycanın 144 ölkə arasında 38-ci yer tutmasını ilk səhifəyə çıxarıb.

“Novoe Vremya” qəzeti NATO-nun Şərqə doğru genişlənməsini qanunsuz sayaraq bu genişlənmənin Qərb-Rusiya qarşıdurmasına səbəbə olması mövzusunu ilk səhifədə yerləşdirib.

“Bizim yol” qəzeti ölkədə Nizamnamə kapitalını 50 miylon manata çatdirmayan 10 bankın cəmi 4 ay vaxtı qaldığını, əks halda fəaliyyətlərinə son qoylacağını ilk səhifəyə çəkib.

Mərhum akademik və dövlət katibi Tofiq İsmayılovun ailə üzvləri Alternativ Enerji Məbələri Agentliyinin rəhbərei Akim Bədəlovu kollektivə aid olan mülkiyyəti həyat yoldaşı və oğluna bağışlamaqda ittiham edib.

“Yeni Müsavat” qəzeti Azərbaycanın “idarə edilən demokratiya” dövrünə qədəm qoymaqda olması, İlham Əliyevin buna imza atması iddiasını önə çəkərək bunu “ölkənin yeni mərhələyə daşınması” kimi dəyərləndirir.

Külli miqdarda maliyyə vəsaitlərini “Qasid” mətbuat yayım firmasından ala bilməyən “Yeni Müsavat” və “Azadlıq” qəzetləri firmanı məhkəməyə verməyə hazırlaşır.

Müxalifət partiyaları KXCP-də keçirilən toplantıda Demokratiyanı Müdafiə Xartiyası imzalayıb.