Mətbuat-Monitorinq 04.10.13

Rəsmi və iqtidaryönlü qəzetlər dövlət başçısı İlham Əliyevin Sumqayıt şəhərinə səfəri, bəzi obyektlərin açılışında iştirakını ilk səhifələrə çıxarıblar. Bundan əlavə, bu qəzetlər Sumqayıt şəhərinin sosial inkişafı ilə bağlı 3 milyon manatın ayrılması,  bir qrup müəllim və həkimin dövlət mükafatları və fəxri adlarla təltif edilmələri haqda sərəncamlarının mətnlərini dərc ediblər.   

“Azadlıq” iqtidardaxili çəkişmələrə önəm verərək nazir Kəmaləddin Heydərovun nazir Ziya Məmmədovu səlahiyyətisiz nazirə çevirmək istədiyini iddia edir.

Milli Şuranın prezidenliyə namizədi Cəmil Həsənli Gəncədə seçicilərilə görüşdə qurumun vəzifəsinin ölkədə Əliyevlər hakimiyyətinə son qoymaq olduğunu bəyan edib. Teledebatdakı çıxışında isə C.Həsənli dövlət başçısı İlham Əliyevi “mənəviyyatsızlığı, ləyaqətsizliyi, əxlaqsızlığı ölkə siyasətinə gətirməkdə” ittiham edib. 

Türkiyəli diplomat Turqut Ər Azərbaycanda seçkiyə müdaxilə olmasa C.Həsənlinin 65% seçici səsi alacağını bəyan edib.  

Seçkiyə iqtidar müdaxiləsi davam edir, belə ki, prezidentliyə namizəd C.Həsənlinin bukletlərini paylayan AXCP üzvü Kəmalə Bənənyarlı saxlanılıb. 

Lənkəranda isə polis C.Həsənli ilə bağlı görüş keçirilən evə basqın edib, ev sahibi polis bölməsinə aparılıb. 

Qəzet seçki ili olan 2013-cü ilin iyul-sentyabr aylarında dövlət başçısının sərəncamı ilə 160 milyon 800 min manat xərclənməsini də seçkiyə müdaxilə sayaraq bu sərəncamları “seçki sərəncamları” adlandırır. 

Eks-deputat Hüseyn Abdullayev mövcud iqtidara etiraz və xalqa çağırış olan “Susma” klipini sosial şəbəkələrdə yenidən dövriyyəyə buraxıb.    

“Zerkalo”  ölkədə seçkilə bağlı təşviqat kampaniyasının nəzərəçarpan olmamasına görə politoloqların bundan narazılığını bildirir.  

“Ekspress”  Avropa İttifaqı rəsmilərinin rəsmi Bakıdan demokratik seçki tələblərinə PA-nın şöbə müdiri Əli Həsənov “Eşton və Fülenin seçkiyə kölgə salmaq cəhdi” kimi ənənəvi inkar cavabını verib. 

“Novoe Vremya” prezident seçkilərilə bağlı Avropa İttifaqından rəsmi Bakının ünvanına tənqidlərin səslənməsinə iqtidarın ənənəvi diş qıcamasına ironik “Dayan, Avropa, görərsən” münasibətini ifadə edib. 

“Bizim yol” ünvanlı yardımların verilməsində 600 milyon manatın mənimsənilməsinədiqqət çəkərək buna “antikorrupsiya mübarizəsi artdıqca sosial korrupsiya da artır” rəyini verir. 

“Yeni Müsavat”  dövlət başçısı İlham Əliyevin regionlara səfəri zamanı ona nazirlər İsmət Abbasov, Fazil Məmmədov və Şahin Mustafayelə bağlı korrupsiya faktlarına dair sənədlər təqdim olunmasını ilk səhifəyə çxıarıb. 

Qəzet Kənd Təsərrüfatı Nazirliyinə kombayn alınması üçün ayrılan 15 milyon manatın nazir İ.Abbasova məxsus offşor şirkətlər vasitəsilə mənimsənildiyinin üzə çıxdığını iddia edir. 

Teledebatda çıxışı zamanı Milli Şuranın prezidentliyə namizədi Cəmil Həsənli prezidentliyə namizədlərin əksəriyyətini “namizədlər yox, İlham Əliyevin vəkilləri adlandırıb”. 

Rusiyanın subyekti olan Dağıstanın prezidentinin seçkilərdə Ilham Əliyevə dəstək çağırışı etməsini ekspertlər “rəsmi Kremllə razılaşdırılmış addım”  kimi şərh ediblər. 

Tərtər rayonunda prezidenliyə namizəd Cəmil Həsənlinin təbliğatına imkan verilmir, müxalifət partiyalarının qərargahları önünə polis postu qoyulub.