Mətbuat-Monitorinq 05.03.14
Rəsmi qəzetlər dövlət başçısı İlham Əliyevin mərhum dövlət başçısı Heydər Əliyevin adına olan konsert-kompleksdə aparılacaq əsaslı təmir-yenidənqurma işlərinin layihəsilə tanış olmasına aid xəbərləri ilk səhifəyə çıxarıblar.
“Azadlıq” qəzeti AXCP-nin partlayış törədilmiş ofis binasının uçurulmasını manjetə çıxarıb. Binanın sahibi bu məsələdə nazir Kəmaləddin Heydərovu ittiham edib. Ölkə siyasiləri AXCP ofisinin sökülməsini “AXCP-yə qarşı terror” adlandırıblar.
“İsmayıllı hadisələri” ilə bağlı mühakimə olunan rayon sakinləri onları hadisə yerinə rayon polis şöbəsinin rəisi Nizami Qocayevin çağırdığı haqda bəyanatlar səsləndiriblər.
II qrup Qarabağ müharibəsi əlili olan İmişli şəhər sakini Səməd Həsənov mülkiyyət hüququnun bərpası ilə bağlı martın 5-dən evində (H.Aslanov küçəsi, 74) aclıq aksiyasına başlayacağını bəyan edib.
Ölkə dəmiryolu sistemindəki kişi bələdçilərə may ayına kimi işdən çıxmaq tələbi irəli sürülüb.
Azərbaycan manatının rüşvətlə çap olunmasına dair qalmaqallı məhkəmədə Avstriya Milli Bankının keçmiş rəhbəri Con Miller “Azərbaycan kimi ölkələrlə bu işi rüşvətsiz görməyin mümkün olmadığı” bəyanatını verib.
“Ekspress” Nəqliyyat Nazirliyinə istinadən ölkədə 15 minə yaxın avtomobilin qanunsuz taksi fəaliyyəti göstərdiyini bildirir.
“Exo” “Sovetski” məhəlləsinin sökülməsi məsələsinin Nazirlər Kabinetində müzakirə oluncağını qeyd edərək Bakı şəhərinin baş planının olmamasının bu prosesdə ciddi problemlər yaratdığını nəzərə çatdırır.
“Bizim yol” MTN-in “Bank of Baku”da əməliyyat keçirdiyini, bankda yoxlamaların davam etməsi xəbərini ilk səhifəyə çıxarıb.
“Yeni Müsavat” mühakimə olunan jurnalısit Pərviz Həşimlinin məhkəmə prosesində deyib ki, onu Əli Nağıyev və Cavid Qurbanlı adlı şəxslərin üzünə qoymaq üçün MTN-də işgəncələrə məruz qoyublar.
Şirvan Apellyasiya Məhkəməsi həbsdə olan müsavatçı Yadigar Sadıqovun şikayətinə baxıb, ilkin instansiya olan Lənkəran Rayon Məhkəməsi Y.Sadıqovun məhkəmə iclasının protokollarının qeydlərinə baxmadığı üçün bu qeydlərə baxılması üçün işi geri qaytarılıb.
-
- Dünyada
- 5 Mart 2014 11:25
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz