Türkiyənin baş naziri Rəcəb Tayyib Ərdoğanın təşəbbüsü ilə Krımda baş verən hadisələrlə bağlı Rusiya prezidenti Vladimir Putinlə telefon danışığı olub.
Baş nazirin aparatının verdiyi açıqlamaya görə, Ərdoğan Ukraynadakı böhranın həllində son sözün Ukrayna xalqına aid olduğunu nəzərə çatdırıb. Ölkədəki qeyri-sabitlik və onu dərinləşdirmə cəhdlərinin bütün regiona mənfi təsir göstərəcəyini qeyd edib.
Baş nazir mövcud böhranın həllində beynəlxalq hüquq və dövlətlərarası münasibətlər prinsiplərinə riayət olunmasının vacibliyini vurğulayıb. O, Krımın yerli əhalisi olan Krım tatarları və rusların ukraynalılarla birgə sülh və sakitlik şəraitində yaşamalarını təmin edəcək əsasların birgə həyata keçirilməsinə diqqət çəkib.-05D-
Dünyada
-
Artan inflyasiyanın qarşısını almaq üçün Rusiya Mərkəzi Bankı rublu dəstəkləmək ümidi ilə Çin yuanını aktiv şəkildə satmaqla yanaşı, ilin sonuna qədər bütün xarici valyuta alışlarını dayandırıb. Hazırda qəpik dəyərində olan rubl çərşənbə günü Ukraynada müharibə başlayandan bəri görünməmiş minimum səviyyəyə çatıb.
-
Rusiya cümə axşamı Ukraynanın enerji infrastrukturuna kütləvi hücuma keçərək, 200-ə yaxın raket və pilotsuz uçuş aparatı atıb və bir milyondan çox evi işıqsız qoyub, - deyə Ukrayna rəsmiləri bildiriblər.
-
Tbilisidə iğtişaş polisi cümə gecəsi Rüstəveli prospekti və Çiçinadze küçəsində Gürcüstan Parlament binasının qarşısına toplaşmış minlərlə etirazçını dağıtmaq üçün su şırnaqları tətbiq edib. Rustaveli prospekti, xüsusilə parlamentin qarşısındakı meydan və xiyabanlar etirazçılardan tamamilə təmizləndi. Etirazlar Baş nazir İrakli Kobaxidzenin Gürcüstanın Avropa İttifaqına üzvlüklə bağlı danışıqlarını 2028-ci ilə qədər təxirə salmaq planlarını elan etməsindən sonra başladı.
-
Rusiya çərşənbə günü bildirib ki, ABŞ Yaponiyada raketlər yerləşdirərsə, bu, Rusiyanın təhlükəsizliyini təhdid edəcək və Moskvanı cavab tədbirləri görməyə məcbur edəcək.
Rəy yaz