- İqtisadiyyat
- 5 Mart 2014, 11:33
- 104
Deputat mobil operatorun özbaşınalığına qarşı
Reklam məqsədli SMS-bildirişlərə son qoyulmalıdır. Deputat Elmira Axundova mobil rabitə və internet operatorların abunəçilərin hüquqlarına hörmətlə yanaşması təşəbbüsü ilə çıxış edib.
«İnternet ödənilən haqqa uyğun gəlmir. Provayderlər reklamda bildirir ki, istifadəçi fasiləsiz saniyədə 8-30 meqabit əldə edəcək.Sayğac isə daha az göstərir», - deyə deputat bildirib.
E. Axundova deyib ki, rayon əhalisi üçün də internet əlçatan olmalıdır. "Mən rayondan seçilmiş deputat olaraq bildirməliyəm ki, Masallıda telefon xətləri sürətli internetə uyğun deyil. Turizm zonası elan olunan Masallıda internet zəifdirsə, ora hansı turist gələr?!”
Deputat mobil telefonlara müxtəlif şirkətlərdən mənasız məlumatların, reklam xarakterli məlumatların gəlməsindən şikayətlənib: “Nəzərinizə çatdırım ki, hər mesajdan sonra balansdan kontur çıxılır. Özü də belə hallar daha çox “Baksell”dən gəlir. Təklif edirəm ki, bu cür mesajlar dayandırılsın, Rabitə Nazirliyi isə bu cür halların qarşısını alsın”.
Spiker Oqtay Əsədov deyib ki, qanunvericiliyə dəyişiklik edilməli, belə bildirişlər abunəçinin razılığı ilə olmalıdır.
Əlavə edək ki, hər üç mobil rabitə operatoru reklam xarakterli bezdirici mesajlar göndərir, abunəçidən isə pul silinir. --17D—
-
- Dünyada
- 5 Mart 2014 11:25
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz