Rəsmi qəzetlər dövlət başçısı İlham Əliyevin Azərbaycan Milli Konservatoriyasının yanında salınan yeni parkda yaradılan şəraitlə tanış olması haqda xəbərləri ilk əsihəfdə yerlədiriblər.
“Azadlıq” qəzeti insan haqları və söz azadlığının ağır durumuna görə BMT, ATƏT və AŞ nümayəndələrinin Azərbaycanı sərt tənqidlərini “dünyanın İlham Əliyevə qarşı” olması kimi dəyərləndirərək ilk səhifəyə çıxarıb.
Qəzet yazır ki, BBC-nin Cənubi Qafqaz müxbiri Azərbaycanda Avropa Oyunları fonunda ölkədəki repressiyalarla bağlı material yayımlayıb.
Türkiyənin ünlü iş adamlarından Aydın Doğanın son vaxtlar rəsmi Bakının tənqidlərinə məruz qalmasına qəzet “İlham Əliyevin “Hürriyyət” qəzetində Xədicə İsmayılla bağlı yazını həzm edə bilməməsi”nin nəticəsi sayır.
“The Guardian” qəzeti Avropa liderlərinə “Bakı oyunları”nı boykot” çağırışı edir.
Orta məktəblərin buraxılış siniflərindəki imtahanlarda IX sinif şagirdlərinin 54%-nin, XI sinif şagirdlərinin 44%-nin ana dilindən “2” və “3” qiymət almalarını qəzet “buraxılış imtahanlarında rüsvayçı nəticələr” kimi qiymətləndirir.
Diplomat Arif Məmmədovun Binəqədi rayonundakı yanğına görə rəsmi Bakını tənqid etməsi ilə bağlı iqtidar yandaşlarının onu “erməni” adlandırmasına qəzet “iqtidar üçün bütün həqiqətlərin adı “ermənidir” reaksiyası verir.
Qəzet Avropa Şurasının rəsmi Bakıya “sabitlik insan haqlarının pozulması ilə qorunmur” bəyanatını “rəsmi Bakının “sabitlik mifi”ni dağıtması hesab edir.
“Ekspress” Avropa Oyunları fonunda BMT, ATƏT və AŞ nümayəndələrinin insan haqları və söz azadlığını ağır durumuna görə rəsmi Bakını tənqid etməsinə Azərbaycan XİN-in “Böyqük Oyuna cılız hücumlar” bəyanatını diqqət mərkəzinə çəkib.
“Novoe Vremya” Avropa Yenidənqurma və İnkişaf Bankının Bakıda bəzi layihələrin reallaşdırmasını dayandırmasını ölkədəki korrupsiyanın AYİB-i də “boğaza yığması” adlandıraraq önə çəkib.
“Bizim yol” ölkənin bir neçə bankının ipoteka krediti verilməsi üçün 50% ilkin ödəniş tələb etməsini ipoteka kreditlərilə bağlı “ağlasığmaz tələb” adı ilə ilk səhifəyə yerləşdirib.
Ekspertlər ipoteka kreditinin alınması üçün bəzi bankların 50-% ilikn ödəniş tələb etməsinə “ikin ödənişin yüksəlməsi ipoteka kreditinə marağı azaldacaq” rəyini veriblər.
“Yeni Müsavat” diplomat Arif Məmmədovun Bakıdakı yanğınla bağlı rəsmi Bakını tənqid etməsinə və sərt antiqərb siyasətin tərəfdarı olmamasına görə nazir Elmar Məmmədyarovun “hədəf”ə gəlməsi iddiasını önə çəkib.
Ekspertlərə görə, səfirin belə açıqlamaları nazir Elmar Məmmədyarovun “vurulmasında” maraqlı olan qüvvələrin işidir.
Qəzetin iddiasına görə, Azərbaycan və Türkiyəni “Avrasiya İttifaqı”na qoşmaq RF prezidenti V.Putinin ən yaxın “hədəfidir”.
Cəmiyyət
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
-
Cümə günü paytaxtda hava dəyişkən olacaq, yağış gözlənilmir.Cənub-şərq küləyi əsəcək. Havanın temperaturu gecə müsbət 5 +7, gündüz müsbət 8 + 12 dərəcə olacaq. Rütubət 70-80 faiz olacaq.
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
Rəy yaz