Mətbuat-Monitorinq 05.09.14

Rəsmi qəzetlər dövlət başçısı İlham Əliyevin Uelsdə NATO-nun sammitində iştirakı, keçirdiyi görüşlər barədə xəbərləri ilk səhifələrə yerləşdiriblər.

“Azadlıq” qəzeti ABŞ-ın rəsmi dairələrində “Azərbaycanın özünü Maqnitski qanunu”na layiqli namizədə çevirməsi” qənaətini  “ABŞ-dan hakimiyyətə sanksiya hədəsi” adlandıraraq ilk səhifəyə çıxarıb.

AXCP proqramını dəyişir və hələlik partiya strukturlarında müzakirə edilən Proqram partiyanın noyabr ayında nəzərdə tutulan qurultayında müzakirəyə çıxarılacaq.

Hüquqşünas Ələsgər Məmmədli rəsmi Bakının QHT-lərə qrşı hücumlarının onu beynəlxalq tənqid hədəfinə döndərdiyini bəyan edib.

Eksperetlər ilin sonuna kimi Azərbaycanda nizamnamə kapitalını 50 milyon manata çatdıra bilməyən 15 bankın bağlanacağını bəyan ediblər.

Kənd Təsərrüfatı Nazilriyinin bu sahənin məhsullarında qiymət artımını “mövsümi amillər”lə əlaqələndirməsini ekspertlər “nazirliyin qiymət artımı problemini ört-basdır etməsi” kimi dəyərləndiriblər.

“Ekspress” NATO-nun Uels sammitində Azərbaycan və Ermənitanın dövlət başçıları İlham Əliyev, Serj Sarkisyanın, eləcə də  ABŞ dövlət katibi Con Kerrinin üçtərəfli görüşünü ilk plana çıxarıb.

“Exo”  son 18 ildə ölkədə pambıq istehsalının 6, səpin sahələrinin isə 6 dəfə azalması mövzusunu ilk səhifədə yerləşdirib.

“Novoe Vremya” qəzeti NATO-nun Uels sammitində enerji problemlərinin önə çıxmasını “birinci iş enerji layihələridir” deyə sammitə ironik münasibət ifadə edir.

“Bizim yol”  NATO-nun Uels sammitində ABŞ dövlət katibinin vasitəçiliyilə Azərbaycan və Ermənistanın dövlət başçılarının görüşünü ilk plana çıxarıb.

Ekspertlər builki yay quraqlığının qarşıdakı payızda böyük bahalaşmaya səbəb olacağı barədə xəbərdarlıq ediblər.

Bakının Pirşağı kənd sakinləri yüzlərlə kənd sakininin onlara məxsus pay torpaqlarının məmurlara satıldığını bəyan ediblər.

“Yeni Müsavat”  “AAAF-İnşaat” MMC-nin vəhabilərə aid olduğunu, Beynəlxal Bank, AZAL-ın bu qurumun biznes şəriki olması, MMC rəhbəri Tofiq Heydərovun postsovet və Şərqi Avropa ölkələrində biznes imperiyası qurması məsələsini manjetə çıxarıb. 

Azərbaycanın hüquq- mühafizə orqanları vaxtilə AXCP üzvü olan, hazırda ABŞ vətəndaşı olan Səid Nurini ölkədən kənara buraxmamaqla yanaşı ona qarşı cinayət işi qaldırıb.

Təqiblərə görə ölkəni tərk edən QHT rəhbəri Mətanət Əzizovanın həyat yoldaşında ciddi xəstəliyin aşkarlanmasına baxmayaraq, onu müalicə üçün xaricə buraxmırlar, M.Əzizova ərinə görə intihara əl atacağını bildirib.