Rəsmi və iqtdaryönlü qəzetlər dövlət başçısı İlham Əliyevin Füzuli rayonunun sosial inkişafı üçün 3 milyon manat ayrılması haqda sərəncamının mə nin dərc ediblər.
“Azadlıq” qəzeti bu ilin yayından bu yana yaydığı video-sənədlərlə iqtidarı rüşvət, insan oğurluğu cinayətlərində ittiham edən keçmiş rektor Elşad Abdullayevin “video-görüntülər bir daha sübut edir ki, cinayətin başçında İlham Əliyev dayanır” bəyanatını yayıb. AXCP yaydığı bəyanatla ölkədə seçkiöncəsi duruma “Əliyev rejiminin seçkilərə repressiyalarla getməsi” mövqeyi ifadə edib.
Türkiyənin kreçmiş diplomatı Turqut Ər Azərbaycanda seçkilərlə bağlı Orta Doğu Strateji Araşdırmalar Mərkəzinin hesabatını “rəsmi Bakının sifarişi” adlandırıb.
“Borçalı”cəmiyyəti seçiciləri MilliŞuranın namizədi Cəmil Həsənliyə səsverməyə çağırıb. Siyasi ekspertlər prezidentliyə namizəd C.Həsənlinin təbliğat-təşviqat kampaniyasını “qısa müddətdə aparılması mümkün olan ən effektiv kampaniya” kimi dəyərləndiriblər. Araşdırmaçı jurnalist Xədicə İsmayıl dövlət başçısı İlham Əliyevi “ölkə siyasətinə qurşaqdan aşağı siyasi mükalimə gətirməsi” ittihamına məruz qoyub. İqtidar öz göndərdiyi təxribatçıların əli ilə “Bakı” kinoteatrında C.Həsənli ilə keçirilən görüşdə dava-dalaş salmağa cəhd edib.
“Yeni Müsavat” qəzeti nəqliyyat naziri Ziya Məmmədovun oğlu Anar Məmmədov rəsmi Bakıya vəd etdiyi “Vaşinton Post” qəzetində YAP-ın prezidnetliyə namizədini təbliğ edən yazını dərc etdirə bilməməsini “nazir oğlunun Vaşinqton problemi” kimi dəyərləndirir. ABŞ diplomatı Rebekka Vinsent Azərbaycanda siyasi məhbus məsələsinə “Avropa soruşmur, rəsmi Bakının yadına düşmür” bəyanatı ilə tənqidi mövqe səsləndirib. Seçkidən sonra kəskin bahalaşma olacağını yazan qəzet nəqliyyatda gediş haqlarının, enerji resurslarının qiiymətlərinin artacağını və iqtidarın bu yolla büdcəni doldurmaq istədiyini nəzərə çatdırır. Qəzet iddia edir ki, Azərbaycan-RF münasibətlərilə bağlı Qərb siyasi dairələri rəsmi Bakını sıxışdırmaq üçün hüquqi mexanizmlər yaratmağa başlayıb.
Qəzet 1992-ci il “Şuşa olaylarının qəhrəman”larından general Elbrus Orucovun müdafiə naziri postuna gətirilməsini yazaraq bunu “Paşayevlərin və Amerika hərbi dairələrinin” dəstəklədiyini bildirir.
Tanınmış aktyor Fuad Poladov prezident seçkilərində Cəmil Həsənlini dəstəklədiyi bəyanatı ilə çıxış edib.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz