Rəsmi qəzetlər dövlət başçısı İlham Əliyevin Türkiyənin iqtisadiyyat nazirinin başçılıq etdiyi nümayəndə heyətini qəbul etməsi, Almaniyaya işgüzar səfərə getməsi haqda xəbərləri ilk səhifələrə yerləşdiriblər. Bundan əlavə, bu qəzetlər Dövlət Torpaq və Xəritəçəkmə Komitəsinin ləğv olunması haqda fərmanın mətnini dərc ediblər.
“Azadlıq” qəzeti Torpaq və Xəritəçəkmə Komitəsinin ləğvini PA-nın rəhbəri Ramiz Mehdiyevin adamının “vurulması” sayaraq manjetə çıxarıb.
“The Guardian” qəzeti Azərbaycanda vətəndaş cəmiyyətinə basqıları “misli görünməmiş” basqılar sayaraq repressiyaya uğrayanlar arasında xeyli tanınmış jurnalistin oilmasına diqqət çəkir.
Keçən ilin sonunda 14 saylı həbsxanada məhbus Elşad Babayevin qətlinə etiraz edən məhbusların yaxınları onlara işəgəncələrin indi də davam etməsi haqda açıqlama veriblər.
Tovuzda xidmət edən əsgər Çingiz Tarverdiyevin özünü vurması haqda Hərbi Prokurorluğun yaydığı məlumatı əsgərin atası “oğlunu komandirin güllələməsini ört-basdır etmək üçün yayılan məlumat” adlandırıb.
Qəzetə 70 min manat borcu olan “Qasid” yayım firması rəhbərliyinin son aylarda borcun müəyyən hissəsini qaytarması haqda açıqlamasını qəzet rəhbərliyi yayım firması rəbərliyinin növbəti yalanı adlandırıb.
Qəzet ayrılan vəsaitlər yarıbayarı azaldıldığı üçün Nəqliyyat Nazirliyinin kütləvi ixtisarlara başlamaq ərəfəsində olduğunu iddia edir.
Bəzi büdcə təşkilatları Olimpiya Oyunları ilə bağlı əməkdaşlara mühasibatdan kənar “paketlə maaş” verilməsini dayandırıb.
“Bizim yol” Torpaq və Xəritəçəkmə Komitəsinin ləğv olunmasını diqqət mərkəzinə çəkib.
Qəzet vaxtı keçən kreditlərin 1,2 milyad dollara çatması, zərərlə işləyən bankların sayının 2 dəfə artmasını nəzərə çatdırır.
“Yeni Müsavat” “8-ci kilometr” bazarını kimin alması haqda Əmlak Komitəsinin susması, Torpaq və Xəritəçəkmə Komitəsinin ləğv olunması barədə xəbərləri ilk səhifəyə çıxarıb.
Müsavat fəalı Sirac Kərimlinin məhkəmə prosesində hakim hər hansı əsas gətirmədən müdafiə tərəfin qaldırdığı heç bir vəsatəti təmin etməyib.
Həbsdə uşaq dünyaya gətirməsilə gündəmi zəbt edən məhkum Lamiyə Quliyeva olayına toxunan qəzet məsələyə hüquq-mühafizə orqanlarının qarışmasını dustağın azadlığın bir addımlığında olması kimi dəyərləndirir.
Ölkədəki ictimai-siyasi duruma şərh verən ADP sədri Sərdar Cəlalolğlu “indiki durumun böyük sosial partlayışla nəticələnəcəyi” barədə xəbərdarlıq edib.
Ölkə banklarında əmanətlərin dollarla saxlanılmasına marağın artmasına toxunan ekspertlər bunu bir tərəfdən əmanətlərin artım tempinin, digər tərəfdən isə manatın payının azalacağı kimi dəyərləndiriblər.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz