Rəsmi qəzetlər dövlət başçısı İlham Əliyevin Boks Federasiyasının inzibati binasının və “Qafqaz” Baku Sport Hotel”in açılışındakı iştirakı haqda xəbərləri ilk səhifələrdə yerləşdiriblər.
“Azadlıq” qəzeti Almaniya rəhbərliyinin Avropa Oyunlarının açılışına qatılmayacağını yazaraq, bunu “Avropa Oyunlarının açılışının boykotunun başlanması” kimi manjetə çıxarıb.
Rəsmi Bakının dünya media maqnatları ilə münasibətlərini pisləşdirməsinə ekspertlər “onlarla münasibəti yaxşılaşdırmaq yaxşıdır, nəinki pisləşdirmək” mövqeyi ifadə ediblər.
Qəzet hakimiyyətin Anar Zeynalov adlı şəxs vasitəsilə AXCP fəalı Ayət İsmayılova qarşı təxribat hazırlayaraq həbsə almaq istədiyini bildirir.
PA rəsmisi Əli Həsənov insan haqları, söz azadlığının durumu ilə bağlı beynəlxalq qurumların rəsmi Bakını tənqidlərinə “demokratiya budursa, bizə belə demokratiya lazım deyil” bəyanatı səsləndirib.
Qəzet “Azadlıq/Azad Avropa” radiolarının baş redaktoru Nenad Pejiçin həbsdə olan jurnalist Xədicə İsmayıl haqqında “Xədicə İsmayıl-prinsiplər həyata çevriləndə” məqaləsini öz səhifələrində dərc edib.
ABŞ-ın “Nevsveek” jurnalı isə rəsmi Bakının Avropa Oyunları vasitəsilə ölkədəki repressiyaları pərdələməyə çalışdığını nəzərə çatdırır. Bununla yanaşı, qəzet Avropa liderlərinin Avropa Oyunlarının açılış mərasiminə qatılmamğa çağıran Müsavat Partiyasının bəyanatını da səhifələrində əks edib.
İş adamı İbrahim Nehrəmlinin “Avesta” şirkətində maaşların verilməməsilə işçilərin “üsyan”a qaldığını yazan qəzet İ.Nehrməliyə qarşı təşkilat komitəsi yaradıldığını nəzərə çatdırır.
“Ekspress” qəzeti Yunanıstanın Azərbaycandakı səfirinin və Avropa İttifaqının Bakı ofisinin Avropa Oyunları ilə bağlı təxribatının üzə çıxması iddiasını önə çəkərək, bunu “Diplomatik biabırçılıq” adlandırır. Aİ-nin səfiri isə qurumla rəsmi Bakı arasında gərginlik olmadığını bəyan edir.
ATƏT-in Bakı ofisinin bağlanmaqda olduğunu yazan qəzet bunu rəsmi Bakının “Şahtaxtinski qalmaqalı”nı cavabsız qoymaması” kimi dəyərləndirir.
Beynəlxalq konfransa qatılmaq üçün Bişkekə gələn Krım tatarlarının lideri Mustafa Cəmiloğlu aeroportda 3 saat polis nəzarətində saxlanmasını “adları məlum olan Bişkek şefləri tərəfindən verilmiş sifariş” kimi dəyərləndirib.
“Novoe Vremya” qəzeti Yunanıstanın Azərbaycan səfirini və Avropa İttifaqının Avropa Oyunları ilə bağlı Azərbaycana qarşı “təxribat” hazırlaması haqda xəbərə “Yeni diplomatik qalmaqal?” mövqeyini ön plana çıxarıb.
Qəzet ATƏT-in Bakı ofisinin bağlanmaqda olması haqda xəbərə “ATƏT-ə qapını göstərdilər” qənaətini bildirir.
“Bizim yol” qəzeti Avropa İttifaqının Bakı ofisini Avropa liderlərinin Bakıya gəlməməsi üçün dezinformasiya yaymaqda ittiham edərək, bu xəbəri “Avropa Oyunlarına qarşı gizli planın ifşa olunması” adlandırır.
“Yeni Müsavat” qəzeti hakimiyyətin ciddi kadr dəyişikliklərinə gedəcəyi iddiasını “prezidentin islahatlar planı: yeni komanda, yeni parlament” qənaətilə ilk səhifəyə çıxarıb.
Qəzetin yazdığına görə, “Şərurlu İsfəndiyar” kimi tanınan iş adamı “İnqilab Plaza”nı satışa çıxarıb və Rusiyada yaşayan iş adamı İsgəndər Xəlilov bu obyekti 17 milyon manata alır.
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz