Mətbuat-Monitorinq 06.11.14

Rəsmi qəzetlər dövlət başçısı İlham Əliyevin Böyük Britaniyanın Avropa məsələləri üzrə nazirini qəbul etməsi, Gəncədə “İmamzadə”nin təmirilə bağlı daha  5 milyon manatın ayrılması haqda sərəncamın, bəzi qanunlara dəyişikliklərin mətnlərini ilk səhifələrə yerləşdiriblər.

“Azadlıq” qəzeti rəsmi Bakının beynəlxalq qurumların tənqidlərinə məruz qalmasını “avtoritar siyasətin rejimi dünya ilə üz-üzə qoyması” kimi şərh edərək ilk plana çıxarıb.

Polis sistemindəki son kadr dəyişikliklərini qəzet nazir Ramil Usubovun müavini Vilayət Eyvazov üçün “ yolu təmizləməsi” kimi dəyərləndirir.

Vəkil Əlayif Həsənov Yasamal Rayon Məhkəməsində onunla bağlı işə birtərəfli, qərəzli baxıldığı üçün məhkəməyə etiraz verib.

Danimarkada yaşayan hüquq müdafiəçisi Gülnarə Axundova insan haqları ilə bağlı rəsmi Bakını tənqid etdiyi üçün anasının Bakıdakı evində axtarış aparılıb.

Ölkə dindarlarının bir qrupu tərəfdarlarını Milli Şuranın insan haqlarının müdafiəsilə bağlı noyabrın 10-na təyin etdiyi aksiyada iştiraka çağırıb.

Rəsmi Bakının yeni pensiya islahatları konsepsiyasını ekspertlər gələcəkdə təqaüd məsələsilə bağlı ağırlığı vətəndaşın üzərinə yıxması” adlandırırlar.

2015-ci il dövlət büdcəsinə Neft Fondundan 10 milyard manatdan çox transfer gözlənilməsini ekspertlər “ölkənin neftin ümidinə qalması” kimi şərh ediblər.

“Ekspress”  xarici işlər naziri Elmar Məmmədyarovun Minsk Qrupunun Rusiyadan olan həmsədrinin Ermənistan hökuməti önündə girovda olan iki kəlbəcərli barədə məsələ qaldıracağı kimi mənasız açıqlamasını, amma indiyə kimi bunu etməməsini ilk səhifəyə çıxarıb.

“Exo”  Azərbaycanda ölkə vətəndaşları tərəfindən çörək istehlakının adambaşına 155 kiloqramdan 141 kq.-a endiyini bildirir.

“Novoe Vremya”  Gürcüstanda siyasi istefaları “mühüm” sayaraq bu istefalara Mixail Saakaşvilinin oktyabrın 17-18-də Bakıya “gizli səfəri” arasında “Gürcüstandakı hay-küylü istefaların arxasında nə durur?” paraleli axtarır. 

“Bizim yol”  rus rublunun dəyərini itirməsilə bağlı Kremlin rublun məzənnəsini sərbəst buarxacağı haqda informasiyaları “Rusiyada pul qazanan azərbaycanlılara şok xəbər” kimi ilk səhifəyə çəkib.

Büdcədən fermerlər üçün ayrılan 2.6 milyard manat barədə ekspertlər “dövlət vəsaitlərinin oğurlanması, kəndlinin bankların bahalı kreditlərinə möhtac qalması” şərhini veriblər.

“Yeni Müsavat”  polis sistemindəki son kadr dəyişikliklərini önə çəkərək bunu “iqtidarın Bakının müdafiə və mühafizəsini gücləndirməsi” kimi şərh edir.

“Qasid” yayım firmasının ləğvinə hazırlıq getsə də qurumun “Azadlıq” və “Yeni Müsavat”a olan 10 min manatlarla ölçülən borclarını ödəyəcəyi qaranlıq qalır.

Partiyaların məcburi audit subyektinə çevirlməsi səylərini qəzet “iqtidarın siyasi partiyalar üçün yeni problem yaratması” adlandırır.

Soyuq olmasına baxmayaraq təcridxanaların qızıdırılmamasını vəkillər “təcridxanada saxlanılanlara qeyri-insani rəftar” kimi dəyərləndiriblər.