Rəsmi və iqtidaryönlü qəzetlər Şirvan şəhərinin sosial-iqtisadi inkişafında xidməti olan bir qrup şəxsin dövlət mükafatları ilə təltif olunmaları, ölkənin 50 ən yaxşı məktəbi və 100 ən yaxşı müəlliminin müəyyən olunması haqda sərəncamların mətnlərini dərc ediblər.
“Azadlıq” qəzeti ölkə oliqarxlarının dövlət vəsaiti hesabına zəngin həyatından yazaraq nazir Kəmaləddin Heydərovun 500 min avroya yaxta almasını manjetə çəkir.
Ölkə prokurorluğunun baş verən cinayətlərin 87%-nin üstünün açılmasına toxunan ekspertlər “illərdir bağlı qalan cinayətlər kimin ayağına yazılmalıdır?” mövqeyini sərgiləyir.
Azərbaycanda olan 1,2 milyon avtomobil vahidinin 800 mininin Bakıda cəmləşdiyini yazan qəzet bu avtomobillərin yarsınını köhnə olduğunu bildirir.
İlham Əliyevin prezidentliyə namizədliyi ilə bağlı hüquqi prosedurların sürətlənməsini ekspertlər “Mehriban Əliyeva xofu” ilə əlaqələndirirlər.
Siyasi ekspertlər müxalif düşərgənin prezidentliyə namizədi Rüstəm İbrahimbəyova iqtidarın təzyiqlərini “seçkilərdə ciddi rəqibdən qurtulmaq” kimi dəyərləndirirlər.
“Zerkalo” rəsmi Bakının işğal altındakı torpaqlara səfər edənlərin “qara siyahısı”nı hazırlaması məsələsinin Vaşinqtonda müzakirələrə yol açdığını, “non qrata” elan edilənlərlə bağlı səhvlərə yol verildiyi qeyd edilir.
“Ekspress” Azərbaycanda avtomobillərin il ərzində havaya 1,1 miyon ton işlənmiş qaz buraxdığını və bu sırada “Jiquli” markalı maşınların havanı daha çox zəhərlədiyi qeyd edilir.
“Exo” ekspertlərin hesablamalarına əsasən məmurların xidməti avtomobillərdən şəxsi məqsədləri üçün istifadə edərkən dövlətə vurduqları illik ziyanın məbləğinin təqribən 10 milyon manata yaxın olduğunu yazır.
“Novoe Vremya” ABŞ-ın rəsmi Bakını strateji müttəfiq saymasına “yenə də demokratiya artıq göründü...” şərhini verir.
“Bizim yol” seçkiöncəsi iqtidarın gənclərə böyük güzəşt edəcəyini yazaraq bunu “hökumətin “ipoteka inqilabı”na hazırlaşması” kimi dəyərləndirir.
“Yeni Müsavat” Milli Şuranın 12 avqust sessiyasının prezidentliyə namizəd Rüstəm İbrahimbəyovun iştirakı ilə keçiriləcyi xəbərini ön səhifəyə çıxarıb.
Ekspertlər müdafiə naziri Səfər Əbiyevin Vaşinqton səfərində Naxçıvanda NATO bazasının yaradılması haqda razılaşma əldə edildiyi, hətta gündəmdə seçki mövzusunun olduğunu da iddia edirlər.
Evləri sökülən “Xutor” sakinləri ilə fəhlələr arasında kütləvi dava düşüb, sakinlər traktorların şüşələrini sındırıblar, polis davaya müdaxilə edib.
Əyninə geydiyi köynəklə terrorçu PKK-nın həbsdə olan lideri Abdulla Öcalanı təbliğ edən Milli Qəhrəman Kamil Nəsibovin oğlu Namiq Nəsibov həbs olunub.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz