Mətbuat-Monitorinq 07.08.15

Rəsmi qəzetlər rəsmi Bakının təbliğinə hesablanan sosial proqramların yerinə yetirlilməsi, sosial-iqtisadi inkişaf və bu tipli yazıları ilk səhifələrdə yerləşdiriblər.

“Azadlıq” qəzeti ABÇ-ın “Moodys İnvestors Servise” agentliyinə isnadən Azərbaycan bank sisteminin mənfi ssenari üzrə inkişaf edəcəyi proqnozunu önə çəkir və buna səbəb kimi neftdən asılılığı, fevral devalvasiyasının aktivlərə, kapitala və rentabelliyə neqativ təsirini göstərir.

Milli Şuranın üzvü Eldəniz Quliyevə görə, iqtidarın vətəndaş cəmiyyəti institutlarına repressiyası “iqtidarın ömrünün son akkordlarının çalınmasını dərk etməsi”lə bağlıdır.

Qarabağ döyüşlərinin qazi və veteranlarını birləşdirən bəzi ictimai qurumlar AXCP məsulu, Qarabağ qazisi Asif Yusiflinin həbsinə etiraz açıqlaması yayıblar.

Neft Fondunun 2012-ci ildə Moskvada 123 milyon dollara aldığı “Qalareya Aktyor” ofis-ticarət mərkəzinin 3 ildə dəyərini 43 milyon dolllar itirməsini ekspertlər səhv investisiya siyasəti kimi şərh edirlər.

Ekspertlər Azərbaycan qida bazarının hegemonu “Azərsun”un keçən il ilə müqayisədə bu il gəlirlərinin 44% azalması hesabatını ciddi saymayaraq bunu dolayısı ilə gəlirlərin həcminin qəsdən azaldılması kimi dəyərləndirirlər.

“Ekspress”  ölkədə erkən nikahların sayının artmasını önə çəkərək bunu “uşaq analar...” kimi dəyərləndirir.

Qəzet MTRŞ təmsilçisi Təvəkkül Dadaşova isnadən quruma qanun pozuntularına yol verən verilişləri dayandırmaq səlahiyyəti verildiyini və belə verilişlərlə bağlı “dosye”lərin hazıranmağa başladığını yazır.

“Exo”  Azərbaycan əhalisinin alıcılıq fəallığının 3-5% enməsini diqqət mərkəzinə çəkir və ekspertlər buna səbəb kimi insanların bu və ya digər ərzağın alış həcmini azaltması, daha çox qənaət etməsini göstərir.      

Qəzet ekspertlərə isnadən rəsmi Bakının ölkədə aylıq əməkhaqqının 455 manat olmasına təkid etməsinə baxmayaraq, regionlarda real olaraq cəmi 270 manat olduğunu bildirir.

“Novoe Vremya”  ölkədə növbəti devalvasiyanın mümkünlüyünü “Azərbaycanda devalvasiya kabusunun dolaşması” kimi ilk planda göstərir.

“Bizim yol”  “AAAF-Park” tikinti şirkətinin vətəndaşları aldatması itthamı ilə məhkəmə verilməsini ilk səhifəyə yerləşdirib.

Qəzet “İcbari tibbi sığorta haqqında” qanunun 16 il öncə qəbul edlidiyini, amma bəzi məmurların qanunun hüquqi qüvvə minməsinin qarşısını almağa müvəffəq olduqlarını bildirir.

“Yeni Müsavat”  tanınmış hüquq müdafiəçiləri Leyla (11 il) və Arif Yunuslara (9 il) prokurorun üst-üstə 20 il həbs cəzası istəməsini ilk səhifəyə çıxarıb.

Ölkədə ikinci devalvasiyanın mümkünlüyü haqda danışan ekspertlər bunun bank sistemini çökdürə biləcəyi, bankların yarsının “batacağı” və sosial partlayış riskinin artacağı kimi dəyərləndiriblər.

Texnologiya Universitetinin rektoru məktəbə ayrılan 1 milyon manat vəsaiti Gəncə Şəhər İcra Hakimiyyəti başçısının təzyiqilə şəhərin abadlığına xərclənməsini açıqladıdqan sonra təhsil naziri Mikayıl Cabbarov rektor Akif Süleymanova töhmət verib.