Mətbuat-Monitorinq 07.09.15
Rəsmi qəzetlər Azərbaycanın iqtisadi baxımdan regionun ən güclü sənaye ölkəsi olması kimi təbliğati mövzuları ilk səhifələrdə yerləşdiriblər.
“Azərbaycan” qəzeti isə həbsdə olan hüquq müdafiəçisi Leyla Yunusu “anti-Azərbaycançı şəbəkənin buyruqçuları” kimi təhqirə məruz qoyan məqalə dərc edib.
“Azadlıq” qəzeti dövlət başçısı İlham Əliyevin bacısı Sevil Əliyevanın Bakıya əmisioğlu İlqar Əliyevin dərman satışı sahəsindəki problemlərini həll etmək üçün gəldiyi iddiasını manjetə çıxarıb.
Milli Şuranın sədri Cəmil Həsənli Qazaxıstanda aparılan iqtisadi islahatlardan yazaraq rəsmi Bakıya “heç olmasa Nazarbayevdən nümunə götürün” çağırışı edir.
Avropa Sabitlik Təşəbbüsünün təsisçisi Gerald Knaus jurnalist Xədicə İsmayılın həbsini rəsmi Bakının “bütün qırmızı xətləri keçməsi” kimi dəyərləndirib və bu repressiyada yer alan rəsmilərin Avropa səfərlərinə qadağa qoymağa çağırıb.
AŞPA Monitorinq Komitəsi “Avropa konvensiyası standartlarına Azərbaycanda münasibətin ciddi narahatlıq doğurması” bəyanatı yayıb.
Şəxsiyyət vəsiqəsi siyasi motivlərlə bir il öncə Xətai rayon polisi tərəfindən ləğv edilən bloqer Mehman Hüseynov yeni vəsiqə üçün ASAN-xidmətə müraciətə görə Xətai rayon ərazisində saxlanılıb və sonra sərbəst buraxılıb. AŞPA Monitorinq Komitəsi Azərbaycandakı repressiya ilə bağlı “Avropa konvensiyasının standartlarına Azərbaycandakı münasibətin ciddi narahatlıq doğurması” bəyanatını yayıb.
Qəzet Azərbaycan XİN- ə isnadən erməni xakerlərin Azərbaycanın 3 səfirliyinin saytına hücum etdiklərini nəzərə çatdırır.
YAP-ın qurucularından Əli Əlirzayev seçkilərlə bağlı YAP hakimiyyətinə “seçkinin nəticələrinə baxmayaraq öz istədiklərini deputat edəcəklər” ittihamı ünvanlayıb.
Qəzetə görə, YAP-ın indiyə kimi deputatlığa namizədlərin siyahısını açıqlaya bilməməsi partiyadaxili gərginliklə bağlıdır.
Ekspertlər ölkənin hazırkı iqtisadi durumunu “yeni devalvasiya dalğasının başlanğıcı” kimi dəyərləndirirlər.
“Yeni Müsavat ” Beynəlxalq Bankın keçmiş rəhbəri Cahangir Hacıyevin sıravi işçilərin adına milyonlarla kredit sənədləşdirilməsi haqda iddiaları ilk səhifəyə çıxarıb.
Neftin ucuzlşaması fonunda ölkədə benizinin ucuzlaşmaması üçün Tarif Şurası və ARDNŞ-nin açıqlamalarına ekspertlər “bu açıqlamalarda iqtisadi qanunauyğunluq və sağlam məntiq axtarmağa dəyməz” şərhini veriblər.
-
- Cəmiyyət
- 7 Sentyabr 2015 00:33
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz