Mətbuat-Monitorinq 08-09.06.14

Rəsmi qəzetlər dövlət başçısı İlham Əliyevin müxtəlif təyinatlı fərman və sərəncamlarının mətnlərini ilk səhifədə yerləşdiriblər.

Bundan əlavə, bu qəzetlər Hökməli-Qobu-Lökbatan-Güzdək-Puta avtomobil yolunun tikintisilə bağlı Abşeron Rayon İcra Hakimiyyətinə 7,6 milyon manat vəsaitin ayrılması haqda sərəncamın mətnini dərc ediblər.

“Azadlıq” qəzeti rəsmi Bakının həbsdə olan keçmiş səhiyyə naziri Əli İnsanovun qarşısında azadlığa çıxmaq üçün ya ölkədən gedəcəyi, ya da siyasətlə məşğul olmayacağı və müxalifətin əleyhinə bəyanat verəcəyi şərtini qoymasını önə çəkib.

Ölkədə mövcud olan inhisarçılığın iqtisadiyyatı çökdürdüyünü deyən ekspertlər bunun qarşısını Rəqabət Məcəlləsinin ala biləcəyini, amma rəsmi Bakının bu qanunu qəbul etməkdə maraqlı olmadığını bəyan edirlər.

Keçmiş əmək və əhalinin sosial məşğulluğu naziri Füzuli Ələkbərovun İsmayıllıdakı villasını satışa çıxarımasını qəzet keçmiş nazirin varidatını ölkədən çıxarmaq cəhdi sayır, buna səbəb kimi nazilriyin keçmiş bəzi işçilərinə cinayət işinin qaldırılmasını göstərir.

Bakı aeroportunda Kiyevə uçmalı olan sərnişinlərin London reysinə yerləşdirildiyini, səhvin sonradan düzəldiyinin yazan qəzet bunu “görünməmiş olay” adlandırır.

Qəzet “Krim məsələsi”ndə Ukrayna azərbaycanlıları və Krım tatarlarının  birləşdiklərini, birgə fəaliyyət imkanlarını müzakirə etdiklərini yazır.     

Avropa Yenidənqurma və İnkişaf Bankının Bakı rezidenti Neyl Makkeyn Azərbaycanda korrupsiyanın yaratdığı fəsadların yuxarıdan həll olunmalı olduğunu söyləməsinə ekspertlər “korrupsiya və rüşvətin ölkədə idarəetmə formasına çevrildiyi” bəyanatını səsləndiriblər.

“Yeni Müsavat” qəzetinin iddiasına görə, müdafiə naziri Zakir Həsənov istefa ərizəsi yazaraq ordudakı rusmeylli generallaın öhdəsindən gəlmək üçün dövlət başçısından dəstək istəyib.

Vəkil Fariz Namazlı həbsdə olan keçmiş NİDAçı Bəxtiyar Quliyevin etiraf ərizəsini könüllü olaraq yazdığını, digər NİDA-çı Rəşadət Axundova da belə etiraf ərizəsi yazmasının təklif olunğunu bildirib.

Ekspertlər Azərbaycanın Rusiya seçimi etdiyi halda “Ukrayna hadisələri”nin Azərbaycanda təkrarlanacağı bəyanatını səsləndiriblər.

Bu ilin 4 ayı ərzində ölkə banklarına qoyulan 775 milyon manatlıq əmanətin 167 milyon manatının çıxarıldığını yazan qəzet buna səbəb kimi “RoyalBank”da sığortasız əmanətlərin batmasından sonra banklara yaranan inamsızlığı göstərir.

ABŞ-ın ATƏT təmsilçisinin rəsmi Bakı haqda sərt tənqidi açıqlamasından sonra Azərbaycanın ABŞ və Brüssel səfirlərinə hücum taktikası əmri verildiyini yazan qəzet bunu “iqtidarla ABŞ arasında ikinci cəbhə” adlandırır.

RF XİN rəhbəri Lavrovun Bakıya konkret Qarabağ təklifilə gələcəyini yazan qəzet  bunu Qərblə Rusiya arasındakı Azərbaycan savaşının həlledici fazaya daxil olması kimi dəyərləndirir.