Rəsmi və hökumətyönlıü qəzetlər Bakıda Birinci Cənubi Qafqaz Forumunun işə başlaması, dövlət başçısı İlham Əliyevin Forumda iştirakı haqda yazırlar. Bundan əlavə, bu qəzetlər demək olar ki, bütün səhifələrini mərhum dövlət başçısı Heydər Əliyevin 90 illk yubileyilə bağlı yazılara həsr ediblər.
“Azadlıq” qəzeti ünlü sənətçi Zeynəb Xanlarovanın ölkə iqtidarını ittiham edən “PA-da elə insanlar var ki, təxribatı onlar yaradır, amma hər şeyi müxalifətin boynuna atırlar” bəyanatını manjetə çıxarıb.
Qəzet rəsmi Bakının insan haqlarını pozması mövzusuna yer verib.
BMT təmsilçisi Aylin Çemberleyn Donahyu hökumətin azadlıqları məhdudlaşdırmaq üçün məhkəmələrdən istifadə etdiyini bildirir.
Vaxtilə AXCP-nin fəallarından olan, indi ABŞ-da məcburi mühacir həyatı yaşayan Səid Nuri Bakıya gəldiyi andan izlənməyə məruz qaldığını nəzərə çatdırır.
2009-cu ildə Neft Akademiyasında törədilmiş terror qurbanlarının xatirəsini andıqlarına görə həbsə alınan gənclərin zorla saçlarını qırxıblar, onlara yemək, qəzet-kitab verilmir.
Siyasi ekspertlər son amnistiyanın da ümidləri doğrultmadığını bəyan ediblər.
Rəsmi Bakının İnternetə nəzarət təklifini rabitə naziri Əli Abbasovun dəstəkləməsinə ekspertlər “bu absurd təklifi heç nə ilə əsaslandırmaq olmaz” şərhini veriblər.
“Ekspress” parlamentdə amnistiya aktının qəbul olunmasına, aktın 9 min məhbusa tətbiq olunacağına və 2 min məhbusun həbsdən azad ediləcəyi statistikasına toxunub.
“Exo” iqtisadi ekspertlərə istinadən ölkə bazarlarında satılan pomidorun 98%-nin gen-modifikasiya edilmiş məhsullar olduğu barədə xəbərdarlıq edir.
“Novoe Vremya” Gürcüstan prezidenti Mixail Saakaşvilinin Bakıda “Azərbaycanda qeyri-sabitlik yaratmaq istəyən qüvvələrin olması” haqda bəyanatını ironiya ilə “M.Saakaşvilinin öz möcüzələrindən əl çəkməməsi” sayır.
“Bizim yol” offşor zonalarda rəsmi Bakı təmsilçilərinin 50 milyard manat pulu olduğunu yazaraq bu zonaları “çirkli pulların gizli məkanı” adlandırır. Offşor zonalarla bağlı informasiyaların 5 ölkəyə veriləcəyinin mümkünlüyünü yazan qəzet hazırda rəsmi Bakı təmsilçilərinin bu pulları xilas etmək üzərində düşündüyünü bildirir.
“Yeni Müsavat” ABŞ, Rusiya və Türkiyədə rəsmi Bakı əleyhinə artan tənqidləri “Bakıya üç istiqamətdən təbliğat hücumu” və “dünya güclərinin rəsmi Bakıya qarşı birləşməsi” kimi dəyərləndirərək ilk səhifəyə çıxarıb.
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz