Mətbuat-Monitorinq 09.01.14

Rəsmi qəzetlər Müsavat Partiyasının müxalifət qüvvələrinin birliyi olan Milli Şuranı tərk etməsinə dair məqalələr dərc edərək bunu bütünlükdə müxalifətin sonu  adlandırırlar. 

“Azadlıq” qəzeti icra başçılarına müavin kimi xanım kadrların təyinatını PA-nın rəhbəri Ramiz Mehdiyevin icra basçılarını nəzarətə götürməsi sayaraq manjetə çıxarıb.

Rəsulzadə qəsəbəsindəki 36 qaçqın ailəsi evlərinin zorla söküləcəyinə etiraz olaraq bu gün PA önündə aksiyaya hazırlaşır. 

1500 nəfərdən şox personala malik ARDNŞ-nin Geofizika, Mədən-geofizika və Kompleks Geo-kəşfiyyat İdarələrinin əməkdaşlarına bu qurumların ləğv olunacağı barədə xəbərdarlıq edilib. 

Qəzet ölkədəki qaçaq neft satışının arxasında “Xəzərdənizgəmiçilik” birliyinin keçmiş rəhbəri Aydın Bəşirovun oğlunun durduğunu ehtimal edir. 

Milli Şuranın sədri Cəmil Həsənli Müsavat Partiyasının qurumdan getməsinə səbəb kimi İdarə Heyəti üzvlərinin siyahısının gizli hazırlanmasını göstərməsinə “bu səbəb yox, bəhanədir” cavabını verib. 

Son 26 ildə ölkədəki yol qəzalarının statistikasına toxunan qəzet bu qəzalarda 23 min nəfərin həlak olduğunu, 74 min nəfərin yaralandığını bildirir. 

“Zerkalo” Qarabağ münaqişəsinin tənzimlənməsilə bağlı Məmmədyarov və Nalbandyan görüşünün mənasızlığına “bu danışıqlardan yeni nəsə gözləmək olarmı?” sualı ilə işarə edir. 

Ölkədə qiymət tariflərinin “yuxarı”ların göstərişi əsasında qaldırıldğını yazan qəzet mövcud iqtisadi sistemi “qeyri-bazar iqtisadiyyatı” adlandırır.

“Ekspress” ekspertlərin yerli istehsalın daxili benzin tələbatını ödəməyəcəyi barədə bəyanatına “benzin yenə bahalaşa bilər?” qənaətini ifadə edir.

“Exo”  ekspert açıqlamalarına əsaslanaraq 2014-cü ildə kommunal xidmət, daşınmaz əmlak, avtomobil bazarı, aqrar sahələrdə qiymətlərin 6% bahalaşacağı xəbərini önə çəkib.    

“Novoe Vremya” Qarabağ münaqişəsinin tənzimlənməsilə bağlı Azərbaycan və Ermənistan xarici işlər nazirlərinin gözlənilən görüşünün mənasızlığına “gündəılikdə nə var?” sualı ilə toxunur.

“Bizim yol” “məmur korpusunda kütləvi həbslərin gözlənilməsi” kimi xəbər yayaraq ölkədə məmur-vətəndaş qarşıdurmasını azaltmaq üçün hökumətin sərt tədbirlər hazırladığını, 2014-cü ili polis, hakim, prokuror, idarə başçıları üçün ağır il adlandırır.

Qəzetin yazdığına görə, məmur özbaşınalığı ilə üz-üzə qalan Qarabağ qazilərindən 20 nəfər özünü öldürmək həddinə çatdırılıb.

“Yeni Müsavat”  hüquq-mühafizə orqanlarının Qubada xəvaric təriqətli 4 şəxsi “həbsdən qaçış planı hazırlığına” görə həbsə alması xəbərini ilk səhifəyə çıxarıb. 

Bundan əlavə, rəsmi Bakı Suriyada döyüşlərə qatılmaq istəyən ölkə vətəndaşlarının qarşısını almaq üçün Türkiyədə araşdırmalara başlayıb.

Qəzet son 10 ildə keyfiyyətli su təhcizatı üçün büdcədən 2,6 milyard dollar xərcələnsə də əhalinin təmiz su ilə təmin olunmadığını bildirir.

Hazırda mühakimə edilən Müsavat Partiyası başqanının müşaviri Yadigar Sadıqlının vəkili Elman Fəttah müstəntiq Nizami Məhərrəmovun üzləşmə diskini məhv etməsilə bağlı şikayət etsə də şikayətə cavab verilmir.

Qəzet Türkiyənin baş nazirinin oğlu, korrupsiyada ittiham edilən Bilal Ərdoğanın Qəbələdəki “Qafqaz” otelində qalması haqda iddiaların yer almasına diqqət çəkir.