Mətbuat-monitorinq 09.05.15

Rəsmi qəzetlər dövlət başçısı İlham Əliyevin Rusiyaya işgüzar səfərə getməsinə dair xəbəri ilk səhifələrdə yerləşdiriblər. Bundan əlavə, rəsmi qəzetlər mərhum dövlət başçısı, indki dövlət başçısının atası Heydər Əliyevin 10 may ad günü ilə bağlı çoxsaylı məqalələr dərc ediblər.

“Azadlıq” qəzeti Putinin “kəşfiyyat generalı” adlandırdığı Patruşevskinin Bakı səfərinin arxasında Azərbaycana “seçim” təklifi olunacağını manjetə çıxarıb.

Qəzet ölkədə 72 siyasi məhbus olduğu, həbsdə olan hüquq müdafiəçisi Leyla Yunusun qızının Avropa Parlamenti önündə etiraz aksiyasına hazırlaşdığını yazır.

Almaniyanın “Frankfurter Allgemeine Zeitung” qəzeti Azərbaycanda insan haqlarının durumunu “heç vaxt olmadığı qədət pis” kimi qiymətləndirib.

Səbail rayon icra başçısı Asif Əsgərovun oğlu İlham Əsgərovun törətdiyi yol qəzasında “Mc.Donalds” Azərbaycan nümayəndəliyinin rəhbəri Maqsud Mirzəyevin oğlunun ölümünə görə 6 il yarım iş almasına etiraz edən ata Mirzəyev icra hakimiyyətinin önündə özünü yandıracağını bəyan edib.

Qəzet “Azimport” şirkətinin sahibi Rəşad Məmmədovun həbsi, həbsindən sonra bu şirkətə aid obyektlərin hamısında yoxlamaların başlandığını nəzərə çatdırır.

Qəzet ekspertlərə isnadən manatın kursunu saxlamaq üçün Mərkəzi Bankın son bir neçə ayda 7 milyard dollar xərclədiyini bildirir.

“Azərişıq” ASC sədri Baba Rzayevin bu sahədəki duruma dair açıqlamasını qəzet “enerji təhcizatı sahəsinin bərbad gündə olması” kimi dəyərləndirir.

“Ekspress” qəzeti  bu ilin aprelində Türkiyəyə səfər təklifini qəbul etməyərək, İrəvana getdiyinə görə Türkiyə prezidenti Erdoğanın RF prezdienti Putinə hirsinin soyumamasını önə çəkib.

“Novoe Vremya” qəzeti neftin qiymətinin davam etməkdə olan ucuzlaşması fonunda “Azərbaycan öz valyuta ehtiyatını itirməkdə davam edir” mövqeyini diqqət mərkəzinə çəkib.

“Bizim yol” qəzeti Mərkəzi Bankın ehtiyatlarının 8.3 milyard dollara endiyini yazaraq, qurumun təkcə aprel aıynda 1 milyard manat itirdiyini bildirir.

Dini komitə ABŞ-ın Azərbaycanda dini duruma dair hesabatına “verilən məlumatların qərəzli olması” mövqeyi ifadə edib.

Qəzet Türkiyə ilə Rusiya arasında qaz nəqlinə dair əldə edilən anlaşmanı ekspertlərin “Azərbaycanı narahat edəcək analşama” kimi dəyərləndirdəklərini qeyd edir.

Qəzetin yazdığına görə, BTC-nin Gürcüstandan keçən hissəsində ətraf mühiti neft sızmasından qoruyan nasos sıradan çıxıb. 

“Yeni Müsavat” qəzeti nazir Ziya Məmmədovun avtobusların “Binə” ticarət mərkəzi önünə getməsinə qadağa qoyması iddiasını ilk səhifəyə çıxarıb.

Qəzetin yazdığına görə, gələn həftə növbəti müxalifət-iqtidar görüşü baş tuta bilər.

Qəzet “Azimport” şirkətinin bu günlərdə həbs edilən sahibi Rəşad Məmmədovun arxasında baş nazir Artur Rəsizadənin durduğunu qeyd edir.

Ekspertlərə isnadən, ilin əvvəlindən Mərkəzi Bankın ehtiyatlarının 39% azaldığını yazan qəzet ehtiyatların tükənəcəyi, növbəti devalvasiya təhlükəsi olması xəbərdarlığı edir.

Manatın devalvasiyası ilə bağlı dollarla götürülən kreditlərin ödənməsinə dair Konstitusiya Məhkəməsinin bu günlərdəki iclasına ekspertlər “problemi həll etməyə qadir olmayan mücərrəd qərar qəbul olunacağı” rəyi veriblər.