Rəsmi qəzetlər dövlət başçısı İlham Əliyevin Münxen konfransındakı iştirakı ilə bağlı xəbərləri, vergi sistemində çalışan bir qrup əməkdaşın təltif edilməsi haqda sərəncamlarının mətnlərini dərc ediblər.
“Azadlıq” qəzeti “Azəryolservis”in rəhbəri Cavid Qurbanovun dəmiryoluna rəhbər, dəmiryolu rəhbəri Arif Əsgərovun isə nəqliyyat nazirinə müavin gətirilməsini “müəmmalı yerdəyişmə” adı ilə ilk səhifəyə çıxarıb.
Mingəçevirdə T-group Tədris Mərkəzi əməkdaşlarının işə düzəltmək adı ilə dələduzluq edərək 800-2500 manat pullarını aldıqları vətəndaşlar polis şöbəsi önündə aksiya keçiriblər.
Qəzet hüquq müdafiəçilərinə insadən neftin ucuzlaşması ilə neft sənayesi sahəsində daha 500 işçinin ixtisar ediləcəyini nəzərə çatdırır.
Müdafiə Nazirliyi və Mingəçevir şəhər icra hakimiyyəti təmsilçiləri şəhid Fərid Ağayevin dəfnində “düşmən baxıb sevinər” gülünc iddiası ilə medianı video-foto çəkiliş aparmağa qoymayıblar.
Şəmkir rayonunun keçmiş icra başçısı Aslan Aslanovun oğlunun qətlinə görə həbs edilən, bu yaxınlarda həbsdə uşaq dünyaya gətirməsilə gündəmə gələn “Lamiyə işi”lə bağlı qəzet müxtəlif aspektli məqalələr dərc edib.
Qəzet yazır ki, Nizami rayon məhkəməsi müharibə əlili olan iki şəxsin işə bərpa edilmələri haqda qərar versə də, “Azəriqaz” qərara əməl etmir.
Qəzet aylıq xərcləri 983 miylon manat olan Neft Fonduna yanvar ayında cəmi 530 milyon manat vəsait daxil olmasını qurumun 450 milyon manat ziyana düşməsi adlandırır.
“Ekspress” qəzeti “Azəryolservis”in rəhbəri Cavid Qurbanovun dəmiryoluna rəhbər gətirilməsi xəbərini ilk səhifədə yerləşdirib.
“Exo” qəzeti dövlət başçısı İlham Əliyevin Qarabağ cəbhəsində gərginliklə bağlı Münxen konfransında “erməni əsgər Ağdamda nə gəzir ki, ...” mövqeyini diqqət mərkəzinə çəkib.
“Novoe Vremya” qəzeti Azərbaycanla bağlı Vaşinqtonda gözlənilən dinləmələrin ölkədə müsbət heç nəyə səbəb olmayacağını “dinləmə öz yerində, demokratiya isə yoxdur” şəkilində diqqətə çatdırır.
Qəzet “Lamiyə işi”ni hakimiyyətdaxili savaşın başlanğıcı kimi dəyərləndirir.
“Bizim yol” qəzeti İsveçrə bankının şifrəsinin qırılmasını, sirlərin üzə çıxmasını ön plana çıxarıb.
Qəzet Neft Fondunun 1.6 milyard manat itirdiyini, qurumun aktivlərinin 500 milyon manat azaldığını qeyd edir.
“Yeni Müsavat” qəzeti iqtidarla müxalifət arasında növbəti görüşün olacağını iddia edərək, bunu “demokratikləşmənin İlham Əliyev modeli” kimi dəyərləndirərək onə çəkib.
Azərbaycan zənginlərinin İsveçrədəki HSBC bankındakı gizli hesabları ələ keçib, Azərbaycandan burada 21 müştərinin adına hesab var.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz