Mətbuat-Monitorinq 10.09.14

Rəsmi qəzetlər dövlət başçısı İlham Əliyevin ölkəyə təzə təyin olunmuş səfirlərlə görüşməsi haqda xəbəri, 102 tələbəyə prezident təqaüdlərinin verilməsi haqda sərəncamn mətnini ilk səhifələrə yerləşdiriblər.

“Azadlıq” qəzeti hakimiyyət daxilində gedən “nurçu” savaşında PA ictimai-siyasi şöbənin müdiri Əli Həsənovu üçüncü qüvvə sayaraq bu qarşıdurmanın qurbanı ola biləcəyi barədə xəbərdarlığı ilk plana çıxarıb.

Qəzet “Qasid” mətbuat yayım frimasının onlara borclu olduğu 70 min manatdan yuxarı  maliyyə vəsaitini ala bilmək bu gün  qurumun önündə aksiya keçirəcək.

AXCP ölkədəki repressiylarala bağlı bəyanat yayaraq baş verən həbsləri “ağılasığmaz qanunsuzluqlar” kimi dəyərləndirib.

Qəzet Azərbaycan hökumətinin bir tərəfdən Amerikanı söyməsi, digər tərəfdən isə söydüyü qüvvələrə pul xərcələyərək lobbiçilik gözləməsi kimi kontrast fəaliyyət göstərməsini nəzərə çatdırır.

Qərbin iqtisadi sanksiyalarından sonra Rusiyanın Azərbaycanın ərzaq bazarına üz tutması ilə yerli bazarda yaranan bahalığı bəzi deputatlar bazarların “bəzi şəxslərin əlində olması” ilə izah etmək istəyini əsassız sayırlar.

Ekspertlər Qarabağ probleminin tənzimlənməsi üçün ABŞ-ın tərəfləri böyük sülh sazişinə gətirmək səylərinə “münaqişənin həllində ABŞ-RF-nin üz-üzə gəlməsi” şərhini veriblər.

“Ekspress”  Avropa İttifaqının rəsmi Bakı önündə “geri çəkilməsi”ni  birinci səhifəyə yerləşdirərək Aİ komissarı Ş.Fülenin Azərbaycan dövlətinin iddia və maraqlarının nəzərə alınmasını anladığını bildirir.

Dini ekspertlər qəbirlərin bahalı şəkildə düzəldilməsinin qarşısını almaq üçün inzibati yolla qadağan olunmasını qəbul etdiklərini bildiriblər.

“Exo”  ölkədəki 63 min əlil uşaqdan ancaq 5 minin təhsil sistemilə təmin olunduğunu önə çəkərək bunu “yerli təhsilin məhdud imkanları” kimi dəyərləndirir.

“Novoe Vremya”  Avropa İttifaqı (Aİ) komissarı Ş.Fülenin demokratiya haqqında danışıqlarında səmimi olmasını şübhə altına alaraq komissara “o nə qədər səmimidir?” sualını ünvanlayır.

“Bizim yol” Avropa İttifaqı komissarı Ş.Fülenin Azərbaycan dövlətinin iddia və maraqlarının nəzərə alınması mövqeyini ilk sıraya çıxararaq bunu “Avropa komissarının Bakıda mühüm bəyanatlar verməsi” kimi təqdim edir.

“Yeni Müsavat”  Qərbin iqtidarla böyük dialoqa getdiyini yazaraq bu dialoqda QHT sektorunun xilası üçün Vaşinqtonun hərəkətə keçdiyini iddia edir və bunu “vətəndaş cəmiyyəti üçün kritik şans” adı ilə ilk səhifəyə çıxarır.

Bakı Apellyasiya Məhkəməsi QHT rəhbəri Qubad İbadoğlunun şəxsi və QHT hesablarına qoyulan həbs qərarının əsassız olması və aradan qaldırılması ilə bağlı şikayətini təmin etməyib.

Avropa İttifaqı komissarı Ş.Füle ilə görüşən vətəndaş cəmiyyəti institutlarının təmsilçiləri həmkarlarının həbsləri barədə komissarı məlumatlandırdiqları haqda açıqlama veriblər.