Mətbuat-Monitorinq 10.12.13

Rəsmi qəzetlər dövlət başçısı İlham Əliyevin Qəbələ rayonunda yol tikintisi ilə bağlı 3 milyon manat vəsaitin ayrılması haqda sərəncamının mətnini ilk səfihələrə çıxarıblar. 

“Azadlıq” qəzeti iqtidarın müxalif siyasi partiyalardan mərkəzi qərargahları ilə bağlı sənəd tələb edəcəyini, əsk halda qeydiyyata alınmayacaqları haqda dəyişikliyi parlamentə göndərməsini “hakimiyyətin müxalif təşkilatları qapatmaq planı” adlandıraraq ik səhifəyə çıxarıb. 

Vəkil Bəhruz Bayramov MTN-də saxlanılan jurnalist Pərviz Həşimlinin saxlanma şəraitinin yararsız olduğunu və hüquqlarının pozulmaqda davam etdiyini bildirib.

Müsavat Partiyasının başqanı İsa Qəmbərin  Mərkəzi Seçki Komissiyasına istinadən Milli Şuranın prezidentliyə namizədi Cəmil Həsənlinin seçkilərdə 200 min səs yığması haqda bəyanatına ekspertlər “siyasətçinin seçkiyə rəy verərkən MSK-ya istinad etməsi obyektivliyi əks etdirmir” şərhini veriblər. 

Milli Şuranın üzvü, ədliyyə generalı Vidadi Mirkamal müxalifət qüvvələrinin birliyi üçün “Müxalifət üçün Milli Şuradan rahat format yoxdur” bəyanatını səsləndirib. 

Deputat Elmira Axundovanın Heydər Əliyevin heç kimdən qisas almaması haqda açıqlamasını keçmiş müdafiə və daxili işlər nazirləri Rəhim Qazıyev və İsgəndər Həmidov “ağ yalan” adlandırıblar.  

Qəzet ölkənin maşın bazarında qiymətlərin aşağı düşdüyünü yazır, satıcılar bu vəziyyətə səbəb olaraq müştəri azlığını göstərirlər.

“Zerkalo” yoxsul Ermənistanı Rusiya üçün hədiyyə sayaraq “nəticə olaraq həm də Azərbaycan üçün təhlükədir” mövqeyini ifadə edir. 

“Ekspress” paytaxt Bakıda qəzet satışının yaxşılaşdırılması üçün daha 60 köşkün gətiriləcəyini nəzərə çatdırır. 

Ölkənin mənzil tikintisi bazarında duruma toxunan qəzet ekspertlərə istinadən ölkədə 100 ailəyə 1 mənzilin düşdüyünü qeyd edir. 

“Exo”. “Ermənistanı əsas götürməklə Moskva Qafqazda möhkəmlənə biləcəkmi?” sualını verən qəzet Ermənistana işarə edərək onu “etibarsız dayaq” adlandırır. 

“Novoe Vremya” siyasi partiyaların fəaliyyətini məhdudlaşdıran dəyişikliklərin parlamentə göndərilməsini “iqitidarın müxalifətin və müstəqil partiyaların axırına çıxması qərarı” kimi dəyərləndirir. 

Qəzet ölkədə benzinin bahalaşmasını  “Tarif Şurasının qərarının Azərbaycan ailələrinin büdcəsini “vurması”” adlandırır. 

“Bizim yol” keçmiş deputat Gülər Əhmədovaya  2 il yarım həbs cəzası verilməsinə cavab olaraq məhkumlardan iqtidara “eyni əmələ görə keçmiş deputata 2 il 6 ay, bizə 8-12 il?” kimi şikayət məktubları yazıldığını nəzərə çatdırır.

Qəzet benzinin bahalaşmasından sonra sərnişin daşımada qiymətlərin qaldırılmamasının, sahibkarların isə planı endirməməsinin sürücülərin üsyanına səbəb olacağı barədə xəbərdarlıq edir.

“Yeni Müsavat” iş adamı “Nehrəmli İbrahim”in  ofisindən oğurlanan 135 min manat pulun 105 min manatının ona qaytarılmasını ən əhəmiyyətli xəbər sayaraq manjetə çıxarıb.

Qəzetin yazdığına görə, hakimiyyət Dillər Universitetində üzə çıxan 12 milyon manatlıq “yeyinti”ni rektoru Səməd Seyidova ödətdirib. 

Keçmiş rektor Elşad Abdullayev keçmiş deputat Gülər Əhmədovanın 3 il azadlıqdan məhrum olunmasını siyasi sifariş sayaraq zərərçəkən kimi nəticədən narazılıq edir. 

Vəkil Nemət Kərimli “NİDA”çıların məhkəmə prosesinə “nağıllara inanmıram, məhkəmədən ədalətli qərar gözləmirəm” açıqlamasını verib.   

Bakının məşhur milyarderlərindən Zarah İliyevin qardaşı Yaruxoim İliyevə məxsus “Bakı Gön-Dəri” ASC-yə məxsus binalar sökülüb.    

Qəzet “Global Witness” təşkilatının dekabrın 10-da ARDNŞ ilə bağlı araşdırmanı açıqlayacağını, araşdırmada neft şirkətilə bağlı neqativ faktların olduğunu yazaraq bu faktın Mədən Sənayesində Şəffaqlıq Təşəbbüsünə etimadı azaltdığını yazır.