Mətbuat-Monitorinq 10.12.15

Rəsmi qəzetlər dövlət başçısı İlham Əliyevin Çin səfərinə dair foto və xəbərləri ilk səhifələrdə yerləşdiriblər.

“Azadlıq” qəzeti AXCP-nin bəyanat yayaraq partiya sədrinin müavini Fuad Qəhrəmanlının həbsini “iqtidarın növbəti qanunsuzluğu və özbaşınalığı” kimi pisləməsini manjetə çıxarıb.

Qəzet ölkədə insan haqlarının pozulması faktlarına toxunur. AXCP sədrinin müavini F.Qəhrəmanlının həbsi iqtidarın AXCP-ni susdurmaq üçün növbəti “girov” götürməsi” adlandırılır, həbsdə AXCP-nin 10 üzvünün olmasına “10 girov” münasibəti ifadə edir.   

Tanınmış hüquq müdafiəçisi Leyla Yunusun həbsdən azad edildiyi, müsadirə olunmuş mənzilinin özünə qaytarıldığı bildirilir.

İqtidarın ölkə içində dindarlara partiyalara qarşı keçirdiyi həbsləri qəzet ironiya ilə hökumətin “antiböhran” tədbirləri adalandırır.   

Milli Şuranın sədri Cəmil Həsənliyə İ.Ratiu Demokratiya mükafatının təqdim edilməsini Qərb politoloqları “demokratik qüvvələrə dəstək mesajı” kimi dəyərləndirirlər. 

Naxçıvanın varlığı üçün zəruri olan “Qars müqaviləsi”nin qüvvədən salınmasının RF mətbuatında geniş müzakirəsini politoloqlar “Ermənistanın növbəti təxribatı” hesab edirlər.       

Qəzet nazir Kəmaləddin Heydərova məxsus olduğu deyilən “Gilan Development” MMC-nin dekabrın 4-də dövlət qeydiyyatına alındığı, ofis məkanı kimi “Capital Tavers” göstərilir, qeyri-rəsmi bu holdinqə 200-dən çox şirkət və müəssisəsinin daxil olduğu vurğulanır.   

Ekspertlər neftin ucuzlaşmaqda olan qiymətinin məzənnə baxımından “manatı öldürəcəyi” barədə xəbərdarlıq edirlər.

Dövlət investisiyalarının 49% azalmasını ekspertlər  “məşğulluğun azalması” kimi şərh edirlər.

“Ekspress” “Nardaran piri”nin axundu Nuhbala Rəhimovun həbsini, kənd ağsaqqalı Natiq Kərimovun prokuroluqda dindirilməsini diqqət mərkəzinə çəkib.

“Exo”  ekspertlərə isnadən ölkədə təbəqələşmə səviyyəsinə toxunaraq əhalinin 15%-ə qədərinin orta sinifə, yenə də 15%-ə qədərinin varlı sinifə, qalan 70%-in isə kasıb sinifə aid olmasını ön plana çıxarır.

“Novoe Vremya” 2015-ci il ilə müqayisədə 2016-cı ildə dövlət budcəsinin 25%  və bu fonda əhalinin gəlirilərinin kəskin azalacağına toxunaraq “vəsaitlərə əsasən yaşamaq və ya necə qurtulmaq” sualını gündəmə gətirir.

Rəsmi Bakının son günlər qanunvericiliyi sərtləşdirməsi “hakimiyyətin islahat yerinə “vintləri bərkitməsi” kimi dəyərləndirilir.   

“Bizim yol”  MTN-in keçmiş şefi Eldar Mahmudovun Londonda 30 milyon avroya mülk almasını ilk səhifədə yerləşdirib.

Neftin dəyərinin 40 dollara endiyini yazan qəzet ekspertlərin neftin qiymətində bahalaşmanın olmayacağı barədə  bəyanatlarını nəzərə çatdırır.

“Yeni Müsavat”   bu ilin fevral devalvasiyası, may ayında hündürmərtəbəli binadakı yanğın, “MTN işi”, İnternetin kəsilməsi, Nardaran olayları, dəniz platformasında yanğınla bağlı kütləvi insan tələfatı kimi neqativ hallara “Azərbaycan məngənədə- düşmənimiz kimlərdir?” mövqeyini ilk səhifəyə çıxarıb.

Rus politoloqu Duqinin “İstanbulun adı dəyişə bilər”, “Qarabağda müharibə hər kəs üçün pis olar” deyimlərini “Kremlin Türkiyə və Azərbaycanı hədələməsi” kimi dəyərləndirir.   

Tanınmış jurnalist Rauf Mirqədirovun məhkəmə prosesilə bağlı vəkili Fuad Ağayev “onun əleyhinə ümumiyyətlə ifadə yoxdur” bəyanatını səsləndirib.

Dərman satışı sahəsində qiymətlərin dövlət tərəfindən tənzimlənməsinə baxmayaraq, qayda-qanunun olmamasını qəzet “apteklərdə dərmanlar bahalaşıb, “vahid qiymət də yoxdur” şəklində nəzərə çatdırır.