“Azadlıq” qəzeti Rusiya və Azərbaycanım dövlət başçıları V.Putinlə İ.Əliyevin arasında görüşün baş tutmasında Qazaxıstan prezidenti N.Nazarbayevin vasitəçiliyinin əsas olduğunu yazır və cəmiyyətə “İ.Əliyev Putinin qarşısında hansı öhdəlikləri götürüb?” sualını təqdim edir.
Milli Şuranın prezidentliyə vahid namizədi Rüstəm İbrahimbəyov namizədliyinin qeydə alına bilməməsi ehtimal ilə quruma daha bir neçə namizədin irəli sürülməsi barədə müraciət edib.
AXCP iqtidarı rəqiblərinə qarşı şərəfli mübarizə aparmağa çağıraraq bu günlərdə naməlum şəxslərin partiya sədri Əli Kərimlinin evinə soxulmasında iqtidarı ittiham edərək bu addımı “cinayət və əxlaqsızlıq”, müxalıif siyasi partiyalar isə bunu “növbəti iyrənc addım” adlandırırlar.
AXCP etiraz elektoratını ətrafında birləşdirən Mili Şura formatının qorunmasını priortet elan edib.
Ölkə əhalisinin maaşının əksər hissəsini ərzağa xərclədiyini yazan qəzet dünyada qəbul edilən qaydaya görə, ailə büdcəsinin 35%-nin ərzağa xərclənməsinin artıq yoxsulluq sayıldığını nəzərə çatdırır.
Ekspertlər paytaxtın mərkəzi küçələrində evlərin sökülməsinin “kommersiya məqsədli qısamüddətli gəlir əldə etməyə” hesablandığını bəyan edirlər.
“Yeni Müsavat” keçmiş xarici iqtisadi əlaqələr naziri Nicat Quliyevin həbsini iqtidarın müxalifətə qarşı “dövlət çevrilişi” ittihamı ssenarisilə bağlı olduğunu ehtimal edir.
Qəzet nəqliyyat nazir Ziya Məmmədovun Ələtdə yeni aeroportun tikintisinə rəhbərliyi əlinə almasına və şəxsi maraqlarının güclü olmasına “nəqliyyat sistemini xaotik idarə edən nazirin korrupsiya siyasəti sistemlidir” mövqeyini ifadə edir.
Milli Şuranın sədri Rüstəm İbrahimbəyov xaricdə qalaraq seçkilərlə bağlı ölkənin müxalif düşərgəsinin maliyyə məsələlərini həll edəcəyi barədə bəyanat səsləndirib.
Müsavat Partiyasının lideri İsa Qəmbər müxalif düşərgənin seçkilərdə fəal mövqe ortaya qoya bilməməsinə “təəssüf ki, vaxt itirilib” mövqeyini ifadə edib.
Qəzet Binəqədi təcridxanasının yeni rəisinin 15 sutkalıq inzibati cəza alan Müsavat Partiyası gənclərinin lideri Tural Abbaslını qolu qandallı saxlamaqla, istilik sisteminə bağlamaqla qeyri-insani rəftar etdiyini bildirir.
“Bakı Xəbər” xəbər portallarına istinadən ölkədə məktəbli qızları nişanlayaraq dərslərdən yayındıran ailələrin siyahısının hazırlanacağını xəbər verir.
Qəzet bu il təhsil haqlarında artım olacağını nəzərə çatdırır.
Psixoloqlar gənclər arasında intihar hallarının artmasını cəmiyyətdəki sosial gərginliklə əlaqələndirirlər.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz