Mətbuat-Monitorinq 11-12.11.12

Rəsmi qəzetlər dövlət başçısı İlham Əliyevin bir sıra ölkələrin səfirlərinin etimadnamələrini qəıbul etmələri haqda yazır. Bundan əlavə, insan haqlarının müdafiəsilə bağlı bir dəfə belə bir məqalə yazmayan rəsmi qəzetlər parlament qanunu vasitəsilə bu hüquqların məhdudlaşdırılmasına dair dəyişikliklərin təsdiq edilməsinə kifayət qədər yer ayırıblar. 

“Azadlıq” qəzeti nazir Kəmaləddin Heyrədovun PA hüquq-mühafizə orqanları ilə iş üzrə şöbəsinin müdiri Fuad Ələsgərovu PA rəhbəri vəzifəsinə çətirmək cəhdləri göstərdiyini ilk plana çıxararaq bunu “fövqəlçevriliş planı” adlandırır.

Qəzet icazəsiz aksiyalarda iştiraka görə cərimələrin həddən artıq artırılması ilə bağlı qanuna dəyişiklikləri “mürtəce dəyişikliklər” adlandırır və dövlət başçısının bu dəyişilklikləri imzaladığını bildirir. 

PA ictimai-siyasi şöbəsinin müdiri Əli Həsənovun vəzifəli şəxslərin qəzetləri məhkəmələrə verməsinə haqq qazandırmasına media mənsubları “insan hüquqlarına hörmət etməyən iqtidarın nümayəndəsi” mövqeyini ifadə ediblər.  

“İstiqlalçı” deputat Hacıbaba Əzimov ölkədəki iqtidarın fəaliyyəti ilə bağlı “onun başdan-ayağa çürüdüyünü, üfunət iyi verdiyini və hakimiyyətdən getməli olduğunu” bəyan edib. 

Rusiyada azərbaycanlılardan ibarət və şərti “milyarderlər ittifaqı” adı ilə yaradılan qurumun üzvü Abbas Abbasovla əlaqələrinə görə Binəqədi rayonunun keçmiş prokuroru Mirələkbər Seyidov həbsə alınıb. 

“Yeni Müsavat” Zaqataladan deputat seçilən Hikmət Atayevlə Kamilə Əliyevanın  zəlzələ bölgəsinə gəlməsinə nazir Kəmaləddin Heydərovun qadağa qoymasını “fəlakət bölgəsinin qapalı zonaya çevrilməsi” adlandırır. 

İcazəsiz aksiyalarda iştiraka görə cərimələrin hədsiz artırılmasını dövlət başçısının imzalamasını ADP sədri Sərdar Cəlaloğlu “qanuna dəyişikliklərin bir deputatın özfəaliyyətinin nəticəsi olmaması” kimi şərh edib. 

Qəzet Avropa Komissiyasının vitse-prezidenti Neele Kroes öz bloqunda Bakıda kompüterinə müdaxilə olması barədə yazmasını, köməkçisinin isə “The Vaşinqton Post” qəzetinə izlənməsi barədə açıqlamalarını  “Bakıda yaşanan biabırçılıq” adlandırır. 

Səfir Polad Bülbüloğlunun Bakıdan dönən kimi RF xarici işlər nazirinin müavinilə görüşünə toxunan qəzet bunu rəsmi Bakının RF-də azərbaycanlılardan ibarət “milyarderlər ittifaqı” şərti adlı qurumla bağlı narahatlığından doğduğunu iddia edir. 

Şamaxının Meysəri kəndində 40 evin uçmaq təhlükəsi var,  Şamaxıdan Bakıya köç başlayıb.