Zaqatala rayonunun Gözbarax kəndində üçmərtəbəli orta məktəbin binasında fundamentdən dama doğru 0,5-1 sm. enində böyük çat əmələ gəlib.
Çat jurnalistlər və “Kür” Vətəndaş Cəmiyyəti Qərargahının birgə monitorinq qrupu tərəfindən aşkar edilib.
Məsələ bundadır ki, 500 şagirdlik məktəb yeni tədris ili üçün “Gilan” inşaat şirkəti tərəfindən tikilib. Məktəbin açılış mərasimində qırmızı lenti prezident İlham Əliyev kəsib.
Məktəb bu ilin mayında baş vermiş 6 ballıq zəlzələdən sonra inşa edilib. Məktəblərin, evlərin və sosial obyektlərin tikintisi maliyyə və maddi mənimsəmələrlə müşayiət olunur.
Zəlzələdən sonra “Kür” qərargahı ölkənin şimal-qərb rayonlarını – Qax, Zaqatala və Balakəni əhatə edən zəlzələ zonasında durumun yaxşı olmaması barədə hakimiyyəti xəbərdar ediblər.
7 minə yaxın obyektə ziyan dəyib. Nəticələrin aradan qaldırılmasına 250 mln. manata yaxın vəsait ayrılıb. Ayrılan vəsaitin dəqiq məbləği hökumət tərəfindən gizlədilir. Hakimiyyət payıza qədər 32 məktəbin yenidən qurulmasını, ziyan dəymiş evlərin bərpasını və tikintisini vəd etsə də, çox az iş görülüb.—0—
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz