"AtraBank" ASC 2012-ci ilin 3 rübündə vergi ödəniləndən sonra 378 min manat xalis mənfəət əldə edib. Bu, bir il öncəkindən 15% çoxdur. Bankın gəlirləri 6,12 mln manat, xərcləri 5,74 mln manat olub. Onlar 41,9% və 46,2% artıb.
Yanvar-sentyabrda aktivlər 2,7% artaraq 64,22 mln manata çatıb. Fiziki və hüquqi şəxslərə verilən kredit həcmi 0,2% azalaraq 45,16 mln manat olub.
Bankın ümumi öhdəlikləri 48,95 mln-dan 50,1 mln manata artıb. Depozit portfeli 23,1% genişlənərək 23,62 mln manat, o cümlədən müddətli müştəri əmanətləri
35,4% artaraq 19,95 mln manat olub.
Balans kapitalı 3,7% artaraq 14,11 mln manat, məcmu kapital 3,5% artımla 11,74 mln manat təşkil edib. Ödənilmiş nizamnamə fondu 10,42 mln manat səviyyəsində qalıb. --15B--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz