Mətbuat-monitorinq 11.02.15

Rəsmi qəzetlər dövlət başçısı İlham Əliyevin Qırğızıstanın müdafiə naziri, Rusiya hökumətinin müavini ilə görüşləri haqda xəbərləri, “Azərişıq” yaradılması haqda sərəncamının mətnini ilk səhifələrdə yerləşdiriblər.

“Azadlıq” qəzeti Milli Məclisin saytında AV Analitik İnfromasiya Mərkəzi adından Azərbaycan hakimiyyətini tənqidə məruz qoyan Avropa Parlamentinə ittiham dolu yazı yayılmasını manjetə çıxarıb.

Qəzetin yazdığına görə, sututarlarda və Xəzər dənizində balıq ovu şirkətlərinə və fiziki şəxslərə 23,5 min ton balıq tutmağa icazə verilib.

Rusiyanın “politrus” saytına isnadən qəzet bildirir ki, Rusiya KP başçısı G.Züqanovla görüşdə ABŞ-ı ittiham edən İlham Əliyev Münxen konfransında Almaniya kansleri Merkelə “Ukrayna kimi Avropanın da ABŞ-ın əlində alət olması” mövqeyini açıqlayıb.

Ekspertlər avronun məzənnəsinin düşməsi nəticəsində Neft Fondunun 1.6 milyard manat texniki itkiyə məruz qaldığını bəyan edirlər.

İqitdar təmsilçilərilə müxalifət partiyaları arasında gözlənilən nöbvəti görüşü qəzet “hakimiyyətin növbəti dialoq oyunu” kimi dəyərləndirir.

“Lamiyə işi” ətrafında olaylara toxunan qəzet yazır ki, Lamiyənin həbsdə dünyaya gətirdiyi uşqala bağlı DNT analizlərinin cavabı məlumdur və aidiyyatı orqanlara təhvil verilib, vəkil bu işdə Şəmkir rayonunun keçmiş icra başçısı Aslan Aslanovu və onun qanunsuz əmrlərini icra edən şəxsləri günahkar adlandırıb.  

Qarabağ müharibəsi əlilləri və şəhid ailələri onlara aid sığorta pullarının ödənilməsilə bağlı aksiyaya hazırlaşırlar.

“Ekspress” qəzeti ABŞ-ın Azərbaycanda yeni səfiri Sekutanın video açıqlamasını, yeni yaradılan “Azərişıq”ın “Azərenerji”nin işığını “kəsəcəyi” iddiasını diqqət mərkəzinə çəkib.

“Novoe Vremya” qəzeti ABŞ-ın Azərbaycana yeni səfir təyin etməsinə “ABŞ-ın yeni səfiri köhnə prioritetlərilə münasibətini onə çəkir” mövqeyi ifadə edib.  

“Bizim yol” qəzeti “Azərişıq” yaradılmasını “Azərenerji” rəhbəri Etibar Pirverdiyevin əsas səlahiyyətlərinin əlindən alınması kimi ilk plana çıxarıb.

Qəzet qeyd edir ki, Azərbaycanın hüquq-mühafizə orqanları həbsdə olan keçmiş səhiyyə naziri Əli İnsanovun icad etdiyi dərmandan əldə edərək Lüksemburq bankında saxladığı 1,5 milyon dolları müsadirə etmək istədiyini nəzərə çatdırır.

“Yeni Müsavat” qəzeti “Azəreneji”nin əsas səlahiyyətlərinin “Azərişıq”a verilməsini “Azərenerji” rəhbəri Etibar Pirverdiyevin “işığının sönməsi” adlandıraraq ilk səhifəyə çıxarıb.

Rəsmi Bakı təmsilçilərilə müxalifət partiyaları arasında gözlənilən görüşə toxunan qəzet partiya sədrlərinə isnadən prosesin dövlət başçısının tapşırığı ilə başladığını önə çəkirlər.

Qəzet keçən ilin dekabrında 14 saylı həbsxanada məhkum Elşad Babayevin qətlinə etiraz edən dustaqların Qobustan qapalı həbsxanasına göndərildiklərini yazır.