Mətbuat-Monitorinq 11.03.14

“Azadlıq” qəzeti bir neçə rektorun vəzifəsindən azad olunmasına səbəb kimi təhsil naziri Mikayıl Cabbarovla yola getməmələri, tələbə hərəkatının yarana biləcəyilə əlaqələndirir, bütün universitetlərin rəhbərliklərində dəyişiklik olacağını bildirir.
Polisin saxladığı gənc siyasi fəal Türkel Əlisoya Binəqədi təcridxanasında işgəncə  verilməsini hüquq müdafiəçiləri vəhşilik adlandırıblar.
Deputat Bəxtiyar Sadıqovun dini tədbirdə hicab əleyhinə olan fikirlərini “Qarabağ İslami Müqavimət Hərakatı”nın rəhbəri Rövşən Əhmədli “inancı təhqir” kimi dəyərləndirib.
   
“Bizim yol” Azərbaycanda təriqətlərə üzv olmağın terrorçuluq sayılacağı, bununla bağlı qanunvericiliyə dəyişikliklərin olacağı haqda xəbəri ilk səhifəyə çıxarıb.
Ölkənin ictimai həyatında tanınan tarixçi alim Eldar İsmayılov vəfat edib.
Konfliktoloq Arif Yunus son zamanlar ölkə mediasında nurçuluqla bağlı bir-birinə zidd mövqeləri “hakimiyyətdaxili toqquşmaların nəticəsi” adlandırır.
Qəzetin yazdığına görə, dövlət başçısı İlham Əliyevin əmisioğlu İlqar Əliyevə bağlı “Günay Sığorta” və “Royal Sığorta” şirkətləri öhdəliklərini yerinə yetirmədiklərinə görə fəaliyyəti dayandırılıb.
    
“Yeni Müsavat”  bu günlərdə Lökbatan qəsəbəsinə verilən qazdan zəhərlənmə faktını yada salaraq “Bakının hər an qazdan kütləvi zəhərlənə biləcəyi” barədə xəbərdarlıq edir.
Ukraynaya getmək istədiklərinə görə Dağistanda saxlanılan Müsavat Partiyası icra aparatının rəhbəri Arif Hacılı, başqan müavini Gülağa Aslanlı Azərbaycana qaytarılıblar.
“Nurçuluq” hərəkatı ilə bağlı tənqidi mövqeyinə görə sosial şəbəkədə hərəkat tərəfdarı olan böyük qrup onu təhqirə məruz qoyaraq üzr istəməsini tələb edirlər.
Gənc siyasi fəal Bəxtiyar Hacıyev Azərbaycanda kəskin sosial ədalətsizlik qütbləşməsini əsas gətirərək Ukraynadakı hadisələrin Azərbaycanda qısa zamanda reallaşa bilməsini mümkün sayıb.