Rəsmi qəzetlər dövlət başçısı İlham Əliyevin “ASAN-xidmət” mərkəzində icra edilən xidmət növləri və elektron xidmətlərin genişləndirilməsi haqda fərmana dəyişikliklər haqda imzaladığı fərmanın mətnini dərc ediblər.
“Azadlıq” qəzeti ölkənin avtomobil satışı bazarında kredit şərtlərinin dəyişdirilməsini “maşın satışının bir əldə cəmlənməsi” sayaraq mövzunu ilk səhifəyə çıxarıb.
Türkiyədən deportasiya edilən jurnalist Mahir Zeynalov Türkiyə baş nazirinin onu həbs etdirmək istədiyini, baş nazir isə deportasiyadan xəbərsiz olduğunu deyir.
İranın Ermənistandakı səfiri “Güney Azərbaycan” iddialarına görə Azərbaycana “bu iddialar Azərbaycanın suverenliyini sual altına qoya bilər” hədəsi biçib.
Dəmiryol sistemində 2014-cü ildən tariflərin 31% artması, bu artımın əsaslandırılmamasını ekspertlər “artımın korrupsiyaya xidmət etməsi” sayıblar.
“Zerkalo” uşaqlarla iş üzrə QHT Alyansının Azərbaycanda ildə 40-60 uşağın intihar etməsini “dəhşətli rəqəmlər” adlandırır.
“Ekspress” dövlət başçısı İlham Əliyevin sərəncamı ilə Bakı Ağır Cinayətlər Məhkəməsinin hakimi Həsən Əliyev qanunvericilik tələblərini dəfələrlə kobudcasına pozduğuna görə səlahiyyətinə vaxtından öncə xitam verildiyini nəzərə çatdırır.
“Novoe Vremya” Bakının Sovetski, Kubinka məhəllələrində evlərin söküntüsü ilə bağlı hər kv.metrə 1500 manat ödənəcəyilə razı olmayan sakinlərin qarşıdurmalara gedəcəyini yazaraq hökuməti sosial gərginlik yaratmamağa çağırır.
“Bizim yol” ARDNŞ-nin yanacağın qiymətini bahalaşdırmağa hazırlaşdığını və benzinin qiymətinin 1 manata qalxacağını manjetə çıxarıb.
Qəzet ekspertlərə istinadən bank sistemindəki kredit qadağasının arxasında inflyasiya, problemli kreditlər, maliyyə qurumlarını gözləyən defolt qorxusu dayandığını, bu təlatümlərin bir neçə kommersiya qurumunu sıradan çıxaracağını yazır.
Qadın problemlərilə bağlı qurumlara istinadən qəzet 2013-cü ildə 98 nəfər qadının intihara əl atdığını bildirir.
“Yeni Müsavat” keçmiş iqtisadi inkişaf naziri Fərhad Əliyevin Londonda xüsusi qoruma altında olmasını və burada sığınacaq almasını ilk səhifəyə çəkib.
Qətlə yetirilməsinin üzərindən 5 il keçən general Rail Rzayevin yaxınları qatil hələ də tapılmadığı üçün istintaqa inanmadıqlarını bildiriblər.
Çeçenistan prezidenti Ramzan Kadırovun adamı olan Hüseyn Marayev “Bakı” mehmanxanasın səhmlərinin 95%-nə sahiblənib.
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz