Rəsmi qəzetlər dövlət başçısı İlham Əliyevin Fransa Senatının üzvü Jan-Mari Bokelin başçılıq etdiyi nümayəndə heyətini, Əlcəzairin energetika nazirini qəbul etməsi haqda xəbərləri, “AzerGold” QSC-nin yaradılması, Vasif Adıgözəlovun 80 illik yubileyinin keçirilməsi haqda sərəncamların mətnlərini ilk səhifələrdə dərc ediblər.
“Azadlıq” qəzeti daşınmaz əmlakın satışından əldə edilən gəlirin 14-25%-nin vergiyə cəlb olunmasını önə çəkərək, bunu “mənzil bazarında vergi şoku” adlandırır.
Almaniya mediası Avropa Olimpiya Oyunlarının Azərbaycanda keçirilməsini oyunların diktator, repressiyalar ölkəsində keçirilməsi kimi dəyərləndirir.
İstintaq altında olan jurnalist Xədicə İsmayıl yenidən dindirilməsinə “deyəsən əvvəlki ittihamlardan bir şey çıxmayıb, təzə nağıl uydurular” baxışı ifadə edib.
TQDK rəhbəri Məleykə Abbaszadənin qəbul imtahanlarında abituriyentlərin 65%-nin “2” alması bəyanatına qəzet “YAP hakimiyyətinin şikəst etdiyi təhsil” şərhi verir.
Qəzet yazır ki, dövlət başçısı İlham Əliyev Rusiya KP rəhbəri G.Züqanovla görüşdə Rusiyaya loyal dövlətlərin Qərbin “pressinqi” altında olması açıqlaması verib.
Qəzet qeyd edir ki, “Lamiyə işi”ndə qisasçılıqdan irəli gələrək, məhkuma işgəncələrin təşkilində şübhəli bilinən Şəmkir rayonunun keçmiş icra başçısı Aslan Aslanovun evində axtarış aparılır.
Ekspertlər Neft Fondunun itkilərini vəsaitlərin idarə olunması ilə bağlı yürüdülən yarıtmaz siyasətin nəticəsi hesab ediblər. Rəsmi Kremlin Azərbaycan kapitalını 2020-ci ilə kimi Rusiyaya yönəltmək istəməsini ekspertlər Azərbaycan üçün “riskli sövdələşmə” adlandırırlar.
“Ekspress” qəzeti erməni lobbisinin təzyiqləri üzündən ABŞ-ın Qarabağ probleminə diqqət ayıra bilməməsi haqda politoloq Svante Kornelin bəyanatına “Vaşinqton erməni lobbisindən qorxur?” mövqeyini önə çəkib.
“Exo” qəzeti Azərbaycanda istehsalçı qiymətlərilə ticarət nöqtələrindəki qiymətlər arasında fərqin 400%-ə çatması haqda xəbəri önə çəkib.
Qəzet ölkədə uşaq bağçalarının məktəbəqədər yaşlı uşaqların ancaq 20%-i üçün əlçatan olduğunu nəzərə çatdırır.
Qəzet TQDK rəhbəri Məleykə Abbaszadəyə isnadən əlaçı şagirdlərin qəbul imtahanlarında yarısından azının attestasiya qiymətlərini doğrultduğunu bildirir.
“Novoe Vremya” qəzeti Gürcüstan hökumətinin “SOCAR-Georgia”da yoxlamalara başlamasını diqqət mərkəzinə çəkərək, bunu “SOCAR-ın Gürcüstanda “başağrılarının başlanması” adlandırır.
“Bizim yol” qəzeti daşınmaz əmlak gəlirinin müəyyən faizinin vergiyə cəlb olunmasını “mənzil bazarını çökdürə bilən addım” sayaraq ilk səhifəyə çəkib.
“Yeni Müsavat” qəzeti “Qarabağ problemi üçün Donbas variantı” ehtimalını ilk səhifəyə çıxararaq, Qarabağın taleyinin Ulkraynada həll olunduğunu iddia edir.
İsveçrə telekanalı RATİ rəhbəri Emin Hüseynin İsveçrənin Bakıdakı səfirliyində olması iddiasının iki ölkə arasında böhran yaratması barədə veriliş yayımlayıb.
Politiloq Hikmət Hacızadə Vaşinqtonda Azərbaycanla bağlı dinləmələrə “hər halda istiqamət sanksiyalara doğrudur” mövqeyi ifadə edib.
Qəzet ekspertlərə isnadən neftin qiymətinin ucuzlaşmasını “ölkədə neft və məmur oliqarx erasının qurtarması” kimi səciyyələndirir.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz