Rəsmi qəzetlər dövlət başçısı İlham Əliyevin Gürcüstanın baş naziri İrakli Qaribaşvili ilə görüşü, müdafiə sənayesi sərgisində iştirakı haqda xəbərlərə geniş yer veriblər.
“Azadlıq” qəzeti hazırda mühakimə edilən keçmiş hakim Həsən Əliyevin cinayət işində icra başçısı təyin etmək kimi bir xüsusatın ortaya çıxmasını ilk səhifəyə çıxarıb.
AXCP sədri Əli Kərimli hakimiyyətin son repressiyalarını alternativsizlik və qorxu mühiti yaratmaq cəhdi kimi dəyərləndirib və bu varinatın keçməyəcəyini söyləyib.
BDU prorektoru Nəbi Ramazanlı Bakı Şəhər İcra Hakimiyyətinin başçısı Hacıbala Abutlaıbovu tələbə şəhərciyinin tikilməsinə icazə verməməkdə ittiham edib.
Ekspertlər büdcənin 99,9%-nin 7 ayda xərcləndiyini yazaraq 615 milyon manat profisit yaranmasını müəmmalı adlandırıblar.
“Ekspress” Ertmənistanın Azərbaycanla sərhəddə “müdafiə divarı” tikmək səylərini ilk səhifəyə çıxararaq bunu “İrəvanın çəpərlənməsi” adlandırır.
Müştəriləri aldatdıqlarına görə “Oba” mənzil-tikinti şirkəti rəhbərliyininhəbs alınıb.
“Exo” Xəzərdə ağ balıq növünün ölməkdə olmasını önə çəkərək ekspertlərə istinadən bu balıqların populyasiyasının bərpası üçün ən azı 20 ilin lazım olduğunu nəzərə çatdırır.
Qəzet ölkənin bank sektorunda 1,5 milyard manat vəsaitin risk zonasında olduğunu yazaraq qeyd edir ki, bu vaxtı keçmiş və potensial riskli kreditlərin ümumi məbləğidir.
“Novoe Vremya” Avropa Şurasının baş katibi Yanqlandın gələn ay Bakıya gözlənilən səfərini mənasız sayaraq səfərə “Yanqland nə ilə kömək edəcək?” ritoprik sualını ünvanlayır.
“Bizim yol” ölkənin ali məktəblərində tətbiq edilən ödənişlərin orta statistik azərbaycanlı ailəsinin illik büdcəsindən artıq olmasını ilk plana çıxarıb.
“Yeni Müsavat”Qarabağ münaqişəsinin tənzimlənməsində təşəbbüsü ələ alan Vaşinqton və Brüsselin Moskvadan daha ədalətli və obyektiv olmayacağını önə çəkərək bunu “Qarabağ üçün “Kosovo təhlükəsi”” sayır.
Rəsmi Bakının İnternet medianı tənzimləyən qanun layihəsi yaratmaq iddialarını ekspertlər “hakimiyyətin ictimai fikri bütünlüklə nəzarət altına almaq səyi” kimi dəyərləndiriblər.
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz