Mətbuat-Monitorinq 13.02.13

Rəsmi qəzetlər dövlət başçısı İlham Əliyevin ölkə regionlarının 2009-2013-cü illərdə inkişafı ilə bağlı proqramın icrasının 4-cü ilinin yekunlarına diar konfransda iştirakı haqda geniş materiallar dərc ediblər.

Bu qəzetlər yazıçı Əkrəm Əylisli, müxalifət qüvvələrinin birliyi olan İctimai Palata, müxalifətçi gənclərin əleyhinə təhqiramiz yazıları davam etdirirlər.

“Azadlıq” qəzeti Rüstəm İbrahimbəyova qarşı vergi cinayətilə bağlı irəli sürülən ittihamı tanınmış ziyalının həbsinə hazırlıq kimi dəyərləndirir. 

İctimai-siyasi bloka dair yazılarda İranın Ermənistandakı səfirinin “Ermənistanın maraqları İranın, İranın maraqları Ermənistanın maraqlarıdır” bəyanatını verdiyi bildirilir. 

AXCP Gənclər Komitəsinin üzvü Tural Həsənzadə əsgər ölümlərinə etiraz aksiyasında iştiraka görə 6 ay 11 gün azadlıqdan məhrum edilib.   

Ölkə iqtidarının xalqla zor dilində danışmasına siyasilər “SSRİ-ni çökdürən xalqın Əliyevi də yola salmağa qadir olması”, “iqtidar üçün sabitliyin xalqı susdurmaqdan ibarət olması” barədə bəyanat səsləndiriblər. 

Görkəmli jurnalist Tomas-de Vall Əkrəm Əylislinin “Daş yuxular” əsərilə bağlı “hansısa erməni yazıçı da ermənilərin Xocalıda törətdiklərini etiraf etsin” mesajını göndərib. 

ARDNŞ-nin vitse-prezidenti Elşad Nəsirov İrana qarşı müharibə başladıqda İranın Azərbaycanı vuracağı bəyanatını səsləndirib. 

“Ekspress” vəzifəli şəxslərin övladlarının vətəndaşları təhqir etmələr ilə bağlı dövlət başçısı İlham Əliyevin “bir də bilsəm ki, kiminsə ailə üzvü xuliqanlıq edib,  o adam həbs ediləcək, atası işdən qovulacaq” bəyanatını ilk səhifəyə çıxaırb. 

Bakı metropoliteninin rəhbəri Tağı Əhmədovun keçmiş deputat Gülər Əhmədovanı “nənəsinin erməni olması” ilə bağlı təhqir etməsinə  keçmiş deputat “o zaman 20 yanvar qırğınını törətmiş ruslarla qohum olanların uşaqlarına da vəzifə vermək olmaz” eyhamlı cavabını verib. 

“Exo”  ekspertlərə istinadən bütün dünyada bank sirlərinin daha açıq olmasına baxmayaraq, Azərbaycanda əksinə daha qapalı saxlanmasına “dünya meylləri əksinə” rəyini verirlər.   

“Novoe Vremya” rəsmi Bakının QHT-lərin Xaçmaz tədbirinin qarşısını almasını “iqtidarın həddini aşması” adlandırır. 

“Bizim yol” dövlət başçısı İlham Əliyevin vəzifəli şəxslərə hədə-qorxu gəlməsini “nazirləri işdən qovmaqla hədələməsi” kimi dəyərləndirir. Adı çəkilən bu müşavirədə Gəncənin icra başçısı Elmar Vəliyev huşunu itirib. 

Deputat Qənizadə külli miqdarda pulların ayrı-ayrı şəxslərə, qurumlara vəsait formasında gəlməsini dövlətçiliyə “təhlükə” adlandırıb.

“Yeni Müsavat” dövlət başçısı İlham Əliyevin vəzifəli şəxsləri və övladlarını hədələməsini manjetə çıxarıb. 

Ölkə politoloqları Rusiyanın Azərbaycana müdaxilə edə bilməsilə bağlı təhlükəyə dair xəbərləri real adlandırıblar. 

Balakəndə zəlzələ qurbanları olan sakinlər evlərinin tikilməsi və icra başçısının istefası tələbilə bu gün aksiya keçirəcəklər.