Mətbuat-Monitorinq 13.09.13

Rəsmi və iqtidaryönlü qəzetlər dövlət başçısı İlham Əliyevin və xanımı Mehriban Əliyevanın  Tibb Universitetinin tədris-cərrahiyyə klinikasının açılışında iştirakı haqda yazırlar. Bundan əlavə, bu qəzetlərdə dövlət başçısının Astara rayonunun sosial inkişafı və yol abadlığı ilə bağlı 4 milyon manat vəsait ayırması haqda sərəncamının mətni yer alır.  

“Azadlıq” qəzeti Milli Şuranın prezidentliyə vahid namizədi Cəmil Həsənlinin seçki qərargahından namizədliyinin qeydə alınmasına 

“Azad seçki bizi ədalətli ölkəyə çevirəcək” yazılı köynəklər geyən 12 AXCP üzvü Şəkidə saxlanılıb, Şəki rayon polisi isə belə saxlanmanın olduğunu inkar edir.

Milli Şura təmsilçiləri ölkədə seçicilərin dəqiq sayının açıqlanmamasına “seçkinin demokratik keçiriləcəyinin şübhə altına alınması” mövqeyini ifadə ediblər. 

Saatlı rayon sakini Ruslan Əhmədov prezidentliyə namizəd Cəmil Həsənlini dəstəklədiyi üçün döyülüb, tibb müəssisələri xəsarət alan şəxsi müayinədən imtina edir.  

Vicdan məhbusu Taleh Bağırzadənin işini aparan keçmiş müstəntiq alimin vəkili Cavad Cavadlını onu “halal dolanmamaq”ittihamına görə məhkəməyə verib. İlk proses sentyabrın 20-nə təyin edilib. 

Ölkənin apteklər şəbəkəsində dərmanların vahid qiymətə satılması ilə bağlı təkliflər Nazirlər Kabinetinə daxil olub. 

“Zerkalo”  təkcə avqust ayında 3082 miqrant tərəfindən qanunların pozulmasının aşkar olunduğunu nəzərə çatdırır. 

“Ekspress” İran XİN-in sözçüsü Mərziyyə Əfxəmin Nizaminin Gəncədəki türbəsinin divarlarında fars dilində olan misraların silinib Azərbaycan dilində yazılmasını pisləyib.

“Exo” yazır ki, Şəhərsalma və Arxitektura Komitəsi Böyük Bakının regional inkişafı üzrə nümunəvi planın bu ilin sonuna hazır olacağı və 5 milyon manata başa gələcəyini bildirir. 

Qəzetin yazdığına görə, 2007-2009-cu illərin böhranı zamanı ölkənin qeyri-neft sektoru cəmi 200 milyon manat itkiyə məruz qalıb. 

Xaricdəki Azərbaycan miqrantları isə hər il ölkəyə 1,5 milyard dollar maddi vəsait göndərirlər.

“Bizim yol” yazır ki,  hakim Yeni Azərbaycan Partiyası müxalifətin birliyi olan Milli Şuranı vaxtından əvvəl seçki təbliğatına başlamasını əsas gətirərək qurumun prezidentliyə vahid namizədi Cəmil Həsənlinin namizədlyinin ləğv olunmasını tələb edir.

“Yeni Müsavat” Milli Şuranın prezidentliyə vahid namizədi Cəmil Həsənlinin namizədlyinin rəsmi qeydə alınmasına “iqtidardakı “radikal qrup”un məğlubiyyəti” kimi müəmmalı şərh verib.

Prezident seçkilərinin ehtimal edilən nəticələrinə toxunan siyasi ekspertlər bu seçkilərə “ya müxalifətin vahid namizədi Cəmil Həsənlinin qalib gələcəyi, ya da seçkilərin saxtalaşdırılmasının sübut olunacağı” mövqeyini ifadə ediblər.