Mətbuat-Monitorinq 14.05.14
Rəsmi əzetlər Fransa prezidenti Fransua Ollandın Bakı səfəri, Bakı Şəhər İcra Hakimiyyətinin başçısı Hacıbala Abutalıbovun “Şərəf” ordenilə təltif olunması haqda xəbərləri ilk səhifələrə çıxarıblar.
“Azadlıq” mərhum dövlət başçısı Heydər Əliyevin qızı Sevil Əliyevanın müsahibəsində məmurları ikiüzlülükdə ittiham etməsini “müsahibənin iqtidarda təlatüm yaratması” sayaraq ilk səhifəyə çıxarıb.
Qəzet Fransa prezidenti Fransua Ollandın Bakıda müxalifət təmsilçilərilə görüşünə əsəbi reaksiyasını bu görüşün iqtidarda “qıcıq“ yaratması kimi dəyərləndirir.
Siyasi ekspertlər F.Ollandın Bakı səfərini Avropaya inteqrasiya üçün daha əlverişli şəraitin yaradılmasına hesablanmış səfər hesab edirlər.
“Ekspress” yazır ki, sürücülər və ekspertlər paytaxtda yeni park-terminalların quraşdırılmasını “kimlər üçünsə yeni gəlir mənbəyinin yaradılması” kimi dəyərləndiriblər.
“Exo” ölkə əhalisinin 75%-nin qeyri-nəqd hesablaşmalara etibar etmədiyini, 40%-nin isə kartdan necə istifadə etmək haqda informasiyaya malik olmaması haqda xəbəri ilk səhifəyə çəkib.
“Novoe Vremya” offşor şirkətlər mövzusuna toxunaraq “oşffşorlar: əl cəldliyi və... klassik fırıldaqçılıq ” mövqeyini ifadə edir.
“Bizim yol” “Azərenerji”nin sədri Etibar Pirverdiyevin 2,4 milyon manata Bakıda villa alması və bununla bağlı qalmaqalın üzə çıxmasını önə çəkib.
“Yeni Müsavat” AZAL-ın prezidenti Cahangir Əsgərovun ölkədən 30 ton pul çıxarmaq iddiasını önə çəkərək bu pulların İrana məxsus ola biləcəyini yazaraq Azərbaycanı “qara pul” tranziti üçün əlverişli məkan adlandırır.
Qəzet qeyd edir ki, qurultay keçirilməsi üçün yerin ayrılmasına Bakı meriyası müsbət cavab vermədiyi üçün Müsavat Partiyası qurultayın vaxtını dəyişərək iyunun 21-nə təyin edib və meriyaya növbəti müraciət göndərib.
Mətbuata açıqlamalarına görə REAL Hərəkatının Məclis sədri Erkin Qədirli tutduğu vəzifədən kənarlaşdırılıb.
Fransa prezidenti F.Ollandla Azərbaycan müxalifəti təmsilçilərinin görüşünə hakimiyyətdən əsəbi reaksiya verilməsini qəzet “Ollandla müxalifətin görüşünün aranı qatması” kimi dəyərləndirir.
-
- Siyasət
- 14 May 2014 12:06
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz