Mətbuat-Monitorinq 14.07.15

Rəsmi qəzetlər dövlət başçısı İlham Əliyevin Nazirlər Kabinetində 2015-ci ilin ilk yarısı üçün sosial-iqtisadi inkişafın yekunlarına dair keçirdiyi iclas haqda xəbərləri və çıxışını ilk səhifələrdə yerləşdiriblər.

“Azadlıq” qəzeti dövlət başçısı İlham Əliyevin Nazirlər Kabinetindəki müşavirədəki çıxışını “İ.Əliyevin Qərblə qarşıdurmaya getməsi” sayaraq manjetə çıxarıb.

Rusiya-Azərbaycan münasibətləri qəzetdə geniş yer alıb, belə ki, Milli Şura rəsmi Bakının Rusiyameylli siyasətini “antimilli, dövlət maraqlarının Rusiyaya qurban verilməsi, rusa sığ;nmaq” siyasəti sayaraq buna son qoyulması üçün bəyanat yayıb.

Yaponiynaın “The Diplomat” qəzeti İlham Əliyevin ölkədə nə siyasətdə, nə mediada fərqli fikirli adamlara dözümlü olmadığını yazır. “Rəsmi Bakı hələ səsvermə keçirilməmiş bir gün öncədən seçkinin nəticələrini təsadüfən yayan yeganə ölkədir”deyə seçki biabırçılığını yada salır.

Qəzet Leyla və Arif Yunusların üzərində məhkəməni əsassız sayaraq onu “şou-məhkəmənin başlanması” adlandırır.

Qəzet ekspertlərə isnadən Nerft Fondunun vəsaitləri daxili bazara yatırmadığı üçün banklar və vətəndaşlaın yüksək faizə kredit götürməli olduqlarını bildirir. Bəzi ekspertlər isə neftdən asılı olan iqtisadiyyatın çöküşünün elə belə də “olmalı olduğu”nu bəyan ediblər.

“Ekspress”  Avropa qurumlarının Azərbaycanı tənqid ruhunda qəbul etdiyi qərarları dövlət başçısı İlham Əliyevin “kağız parçası” adlandırmasını diqqət mərkəzinə çəkib.

“Novoe Vremya”  ABŞ-ın “Cənub qaz dəhlizi” layihəsinə strateji dəstək verməsi bəyanatına diqqət çəkərək “ABŞ-ı Bakıda yenidən “alverə başlamaqda” qınayıb.

“Bizim yol”  rəsmi Bakının Azərbaycanı tənqid edən qüvvələri “Azərbaycana qarşı müharibə elan etməkdə” suçlamasını ilk plana çıxarıb. 

Dövlət başçısı İlham Əliyev növbəti dəfə nazirlərə sahibkarlardan qanunsuz pul tələblərinə son qoymağı tələb edərək sahibkarın ancaq dövlətin pulunu verməli olduğunu bəyan edib.     

Ekspertlər Mərkəzi Bankın faiz dərəcəsini aşağı salmasına baxmayaraq dövlət bankı kommersiya banklarını pulla təmin etmədikləri üçün kommersiya bankları kredit faizlərini endirməyəcəklərini bildirirlər.

Unun 10% bahalaşdığını yazan qəzet ekspertlər isnadən inhisarçıların hər ton buğdadan 140 dollar gəlir götürdüklərini nəzərə çatdırırlar.

“Yeni Müsavat”  ABŞ Dövlət Departamentinin xüsusi elçisi Amos Hokstayın Bakı səfərini “ABŞ-ln Azərbaycan barış təklif etməsi” adlandıraraq ilk səhifəyə çıxarıb.

Rəsmi Bakı ilə əlbir işləyən birgə İşçi Qrupun üzvləri qurumun fəaliyyətində müəyyən problemlərin olduğunu nəzərə çatdırıb.

Qəzet yazır ki, MTN əməkdaşları adı ilə vətəndaşın 3 milyon yarım manatını ələ keçirən cinayətkar dəstə üzvlərini polis həbsə alıb.

Azərbaycan siyasətinin tanınmış simalarından Pənah Hüseyn ölkəyə yeni müxalifət yox, yeni iqtidarın lazım olduğunu önə çəkib.

Ölkənin bank sistemi haqda danışan ekspertlər Mərkəzi Bankın qərarının kredit faizlərini ucuzlaşdırmayacağını, kreditlərin “piştaxta altından verilməsi”nin adı hal olacağını bəyan edirlər.