Mətbuat-Monitorinq 14.09.13

Rəsmi və iqtidaryönlü qəzetlər dövlət başçısı İlham Əliyevin bəstəkar Arif Məlikovun “Heydər Əliyev ordeni” ilə təltif olunması haqda sərəncamının mətnini ilk səhifələrdə yerləşdiriblər. Bundan əlavə, bu qəzetlər dövlət başçısının Lənkəran rayonunun sosial inkişafı üçün 6,6 milyon manat vəsait ayırması haqda sərəncamının mətnini də dərc ediblər. 

“Azadlıq” qəzeti nazir Kəmaləddin Heydərovun yanına şikayətə 5 min nəfərdən artıq vətəndaşın toplanmasını “ölkədə narazılığın pik həddə çatması” adlandırır.

Həbsdə olan gənc siyasi fəal Rəşadət Axundova əlavə ittihamın irəli sürülməsinə etiraz olaraq məhbusun babasının özünü öldürməsini AXCP sədri Əli Kərimli “iqtidarın vətəndaşı özünü öldürmək həddinə çatdırması” kimi şərh edib.

AŞPA-nın Azərbaycanda seçki ilə bağlı ilkin rəyi mənfi olub və müşahidə missiyası “ölkə başçısının KİV-lərdə geniş seçki kampaniyasının aparılması”na diqqət çəkib. 

Sərhədsiz Reportyorlar təşkilatının icarçı katibi Kristian Meron Berlində Azərbaycan jurnalistlərilə görüşdə jurnalist Eynulla Fətullayevin bu qurum haqqında son hərəkətlərini həyasızlıq adlandırıb, onun mövqeyini hökumətin mövqeyi sayıb. 

Tikinti maqnatı şərurlu İsfəndiyara bağlı “VEDİ-E”VƏ “safari-N” tikinti şirkətlərinin mənzil tikintisi adı ilə aldatdıqları bir qrup vətəndaş hüquq-mühafizə orqnalarına şikayət edib. 

Bu ilin ötən müddəti ərzində baş verən yol qəzalarında 754 nəfər həlak olub, 2044 nəfər müxtəlif dərəcəli xəsarət alıb. 

“Bandotdel” dəmiryol sistemində 48 milyon manatdan artıq dövlət vəsaitinin  mənimsənilməsilə bağlı həbslər aparıb. 

“Zerkalo” yazır ki, Mərkəzi Seçki Komissiyası REAL hərəkatının həbsdə olan rəhbəri İlqar Məmmədovun prezidentliyə namizədliyini qeydə almadığı üçün hərəkat seçkilərdə Milli Şuranın vahid namizədi Cəmil Həsənlini dəstəkləmək qərarını verib.   

“Ekspress”. Mərkəzi Seçki Komissiyasının 10 nəfər prezidentliyə iddialı şəxsin namizədliyini təsdiq edib.  

“Novoe Vremya” prezident seçkilərinin azad və ədalətli olmayacağı barədə mövqeyini “Müşahidəçilər və müşahidələr. Seçkiöncəsi cizgilər” kimi təqdim edir.

“Bizim yol”  həbsdə olan “NİDA”çı Rəşadət Axundovun babasınını özünü öldürməsini önə çəkərək “bunu siyasi çevrələri silkələyən intihar olayı” adlandırır.

Qəzet 2009-13-cü illərdə sosial-iqtisadi inkişaf üzrə Dövlət Proqramının icrasını təhlil edərək dövlətin təqdim etdiyi inkişafla gerçək arasında kifayət qədər ciddi fərqın olduğunu nəzərə çatdırır. 

Seçiciləri ilə görüşməyən deputat Mixail Zabelinin barəsində seçiciləri “onu axtarmaq mənasızdır, çünki qeybə çəkilib” ironiyasını ifadə ediblər.

“Yeni Müsavat” rəsmi Bakının Tomas Melianın səfərinə qoyduğu qadağa ilə Vaşinqtonla münasibətləri pisləşdirməsini önə çəkir. 

AŞPA-nın seçki  müşahidə missiyası Azərbaycanda seçkiöncəsi duruma “prezidentliyə namizədlərin imkanlarının bərabər olmaması, tövsiyələrin çoxunun həyata keçirilməməsi” kim rəy verib. 

Ölkə müxalifətinin ünlü isimlərindən Pənah Hüseyn “Azərbaycan müxalifətinin əleyhinə Qərbin bir sıra layihələrinin Azərbaycan iqtidarı tərəfindən maliyyələşdirilməsi” bəyanatını səsləndirib.