“Kür” Vətəndaş Qərargahının iddiası əsasında Bakı 1 saylı İnzabati-İqtisadi Məhkəməsində məhkəmə prosesi keçirilib.
Qərargahın koordinatoru Oqtay Gülalıyev sentyabrın 13-də keçirilən ilk proseslə bağlı deyib ki, prosesdə hakim vəsatətlərin olub-olmamasını soruşub. O.Gülalıyev isə qərargahın ünvanladığı sorğulara nazirlikdən cavab almaq istədiklərini nəzərə çatdırıb. Nazirlik 2010-cu ilində baş vermiş Kür daşqınları və 2012-ci ildə Qax-Zaqatala bölgəsindəki zəlzələnin nəticələrinin aradan qaldırılması ilə bağlı dövlət vasaitlərinin xərclənməsinə dair sorğunu cavablandırmayıb. Bunu informasiya əldə etmək azadlığının pozulması sayan Qərargah nazirliyi məhkəməyə verib.
Qərargah adları çəkilən təbii fəlakətlərlə bağlı büdcədən ayrılan 1,1 milayd manat dövlət vəsaitinin xərclənməsinə dair vəziyyət haqda nazirliyə suallar ünvanlayıb. nazirliksə bu sualları cavablandırmaqdan imtina edib.
Bu məsələ ilə bağlı növbəti proses sentyabrın 30-na təyin olunub.
Kür daşqınlarından əziyyət çəkən bir qrup vətəndaşın şikayətinə isə sentyabrın 13-də Şirvan Apellyasiya Məhkəməsində baxılıb.
Vətəndaşların şikayətinə səbəb evlərinə dəyən ziyanla bağlı baxış keçirən Fövqəladə Hallar Nazirliyinin hazırladığı aktları olub. Vətəndaşlar evlərə dəyən ziyanın həcmilə bağlı nazirliyin aktlarınına etimad göstərməyiblər. Məhkəmə baxışının keçirilməsi barədə iddia qaldırıblar. Şirvan İnzibati-İqtisadi Məhkəməsi bu iddianı təmin etməyib.
Dünənki prosesdə isə Şirvan Apellyasiya Məhkəməsi əvvəlki məhkəmənin qərarını qüvvədə saxlayıb. Vətəndaşlar Şirvan Apellyasiya Məhkəməsinin qərarından Ali Məhkəməyə şiakyət etməyə hazırlaşırlar.
Daha bir qrup vətəndaşın məhkəmə iddiası isə ev tikintisilə bağlı olub. Fövqəladə Hallar Nazilriyi bu iddianın bir qismini qəbul etsə də qərar icra olunmayıb. İddia bundan ibarətdir ki, FHN daşqınlardan əziyyət çəkən vətəndaşlar üçün ev tikintisi ilə bağlı qəbul etdiyi qərarın surətini məhkəməyə təqdim etsin, məhkəmədə barış aktı imzalansın.
Bu məsələ ilə bağlı Şirvan Apellyasiya Məhkəməsi növbəti prosesi oktyabrın 23-nə təyin edib.-05D-
Cəmiyyət
-
Ölkənin ən böyük özəl operatoru “Bakcell” “Dream Fest” Beynəlxalq Musiqi Festivalının premium sponsoru olub. Festival ərzində iştirakçılar “Bakcell” stendinə yaxınlaşaraq şirkətin yeni və innovativ məhsulları barədə məlumat alıblar, xüsusi hədiyyələr qazanmaq imkanı əldə ediblər. Bundan əlavə, şirkət festivalda çıxış edən dünya ulduzlarına “Bakcell” nömrələri təqdim edərək onları ölkəmizdə olduqları müddətdə yüksəkkeyfiyyətli mobil rabitə xidmətləri ilə təmin edib.
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
Rəy yaz