Əli Əliyev prezidentliyə namizədliyinin qeydə alınmamasından narazıdır

Vətəndaş və İnkişaf Partiyası (VİP) MSK-nın partiya lideri Əli Əliyevin prezidentliyə namizədliyini qeydə almaqdan imtina etməsini pisləyib. VİP-in bununla bağlı bəyanatında bu qərarın əsassız və siyasi motivli olduğu bildirilir.   

Namizədin qeydə alınması üçün 853 imza vərəqində 42364 imza (88 seçki dairəsi daxil olmaqla) MSK-ya təqdim olunub. Lakin sentyabrın 13-də MSK şübhəli arqumentlərə əsaslanaraq Ə.Əliyevin namizədliyinin qeydə alınmaması barədə qərar çıxarıb. Bununla da 

MSK Seçki Məcəlləsinin 59.3-cü maddəsini kobud şəkildə pozaraq imzaların yoxlanması prosesinə namizədin səlahiyyətli nümayəndələrindən heç birini dəvət etməyib.

Partiya bunu “hakimiyyətin öz təsiri altına ala bilmədiyi milli və dövlətçilik maraqlarını hər şeydən üstün tutan siyasi təşkilata və onun rəhbərinə qarşı qərəzli mövqeyinin bariz nümunəsi” kimi qiymətləndirir.

Bəyanatda xatırladılır ki, hələ 2010-cu ilin parlament seçkilərində hakimiyyət 15 saylı Yasamal I seçki dairəsində seçkilərin gedişinə kobud müdaxilə edərək dairədə heç bir dəstəyi olmayan şəxsi deputat təyin edib. 

VİP bəyan edir ki, hakimiyyət bu qanunsuz qərarla rəqiblərindən birini sıradan çıxarmaqla əvvəlcədən seçkinin demokratikliyini və legitimliyini, ədalətli keçiriləcəyini şübhə altına alır. –06V-