Rəsmi və iqtidaryönlü qəzetlər dövlət başçısı İlham Əliyevin Türkiyə səfərinə dair yazı və xəbərləri ilk səhifələrə çıxarıblar.
“Azadlıq” qəzeti 1989-cu ildən nəşr edilir. Rəsmi Bakının müdaxiləsi də olmaqla 2013-cü il noyabrın 12-dən nəşrini dayandırıb.
“Zerkalo” İranın Azərbaycana aid keçid məntəqələrində vəziyyətin qeyri-müəyyən qaldığını bildirir.
“Ekspress” yazır ki, ABŞ-ın Azərbaycandakı səfiri R.Morninqstar Qarabağ münaqişəsinin tənzimlənməsi məsələsinə “Dağlıq Qarabağ məsələsinin həlli asan olsaydı biz bunu edərdik” bəyanatını səsləndirib.
İranın hələ də Azərbaycanla bağlı keçid məntəqələrini bağlı saxlamasına cavab olaraq bəzi deputatlar məsələni BMT-yə qaldırmağı təklif ediblər.
Müdafiə Nazirliyinə yeni təyinat alan Vasyak Azərbaycan ordusunun mövcud durumuna obrazlı “səbirsizliklə irəli şığımağa çalışacaq at” rəyini verib.
“Novoe Vremya” ölkə vətəndaşlarının əksəriyyətinin kredit borcu içində qalmasına diqqət çəkərək bunu “kredit həyat” adlandırır.
“Bizim yol” Ukraynada skinhedlərin azərbaycanlılara hücumlarının başladığını, bir hamilə qadının öldürüldüyünü, tələbələrin “dazbaşlar” tərəfindən döyüldüklərini nəzərə çatdırır, Azərbaycan səfirliyi təcili toplantı keçirir, durum getdikcə ağırlaşır.
Qəzet fəaliyyəti dayandırılan “Azadlıq” qəzetinin noyabrın 15-nə elan etdiyi dəstək marafonuna ictimaiyyətdən güclü dəstək alındığını nəzərə çatdırır.
“Yeni Müsavat” yazır ki, yol qaydalarını pozduğuna görə yol polisinin cərimə etdiyi Nəqliyyat Nazirliyi İntellektual İdarəetmə Mərkəzinin rəhbəri Elnur Abdullayev buna cavab olaraq işıqforların fəaliyyətini iflic edərək paytaxtda böyük tıxaclar yaradır.
Qəzet Bakı Gömrük İdarəsinin 5-ci mərtəbəsinin “korrupsiya bazası”na döndüyünü, bu haqda sahibkarların açıqlamalar verdiyini yazır.
Keçmiş hərbi komissarların keçmiş müdafiə naziri Səfər Əbiyevin yaxını olan kənd təsərrüfatı nazirinin keçmiş müavini Aslanov Aslanovdan pullarını tələb etmələrini qəzet “Səfər Əbiyev və çevrəsinin qara günlərinin başlaması” kimi dəyərləndirir.
İşə gəlməməsi adı ilə tanınmış alim Altay Göyüşovun Bakı Dövlət Universitetindən xaric edilməsi rezonans doğurub, buna etiraz edən universitet tələbələri onun işə bərpa olunması üçün prorektorla görüşüblər.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz