Rəsmi qəzetlər dövlət başçısı İlham Əliyevin “Kitabi-Dədə Qorqud ” abidəsinin və “Dədə Qorqud” parkının açılışında iştirakı haqda xəbərləri ilk səhifələrə çıxarıblar.
“Azadlıq” qəzeti əmək və əhalinin sosial məşğulluğu naziri Səlim Müslümovun ünvanlı sosial yardım alanların siyahısını açqladıqdan sonra kütləvi məmur həbsinin gözləndiyi anonsunu ilk səhifəyə çıxarıb.
AXCP ilə Müsavat Partiyası arasında müttəfiqlik sazişinin bağlanması təklifinə AXCP sədri Əli Kərimli “daha güclü birlik iki partiyanın birləşməsi ola bilər” təklifini edib.
Ekspertlər siyasi institutların işləməməsini, media azadlığının olmamasını, insan haqlarının pozulmasını, korrupsiya və rüşvətin baş alıb getməsini əsas gətirərək ölkədə sabitliyin pozulacağı barədə xəbərdarlıq ediblər.
Avropa İnsan Hüquqlarını Müdafiə Mərkəzi hazırladığı hesabatda “Azərbaycanda insan haqlarının durumu həyəcan təbili çalmağı tələb edir” bəyanatını səsləndirib.
Müdafiə naziri Zakir Həsənov Maliyyə İdarəsinə yeni rəis təyin edib və bu kadr vaxtilə nazirin komandanı olduğu daxili qoşunlardan gətirilib.
Azərbaycan neftilə bağlı məxfi sazişlər imzalayan, 48 yüksək mənfəətli sövdələşmədə paya sahib olan Anar Əliyev haqda bəyanat yayan ARDNŞ bu şəxslə əməkdaşlığını “neftin dünya bazarında satışı üçün iş adamı A.Əliyevin təkliflərinin daha səmərəli hesab olunması” ilə əsaslandırıb.
“Novoe Vremya” Türkiyə və Avropaya qaz nəqlilə bağlı Bakıda saziş imzalanmasının gözlənilməsini “”rəsmi Bakının yenə də hamıya “mavi qızıl” vəd etməsi” kimi şərh edir.
“Bizim yol”yazır ki, “Global Witness” təşkilatının məxfi neft sazişləri imzalayan Anar Əliyevin ARDNŞ ilə əlaqələrinə dair hesabatından sonra neft şirkəti Britaniya təşkilatını məhkəmə ilə hədələyib.
Liberal Partiyasının lideri Lalə Şövkət dövlət başçısı İlham Əliyevə bütün siyasi məhbusları azad etməklə bağlı müraciət ünvanlayıb.
“Yeni Müsavat” baş nazir Artur Rəsizadənin səhhətində yaranan ciddi problemlərlə bağlı gələn ilin yanvarında vəzifədən gedəcəyi iddiasını ön səhifəyə çəkərək iddiaya “MDB-nin ən yaşlı baş naziri gedir” mövqeyini ifadə edir.
Qəbələ rayonunda bizneslə məşğul olan Ariz Rəsulzadə şəriki Eldar Kərimovu və Vasif Dadaşovu odlu silahla qətlə yetirib.
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz