Rəsmi və iqtidaryönlü qəzetlər dövlət başçısı İlham Əliyev və xanımı Mehriban Əliyevanın 234, 125 və 121 saylı orta məktəblərin binalarının təmir-bərpa işlərindən sonrakı durumu ilə maraqlanmalarını ilk səhifəyə çıxarıblar.
Bu qəzetlər öz səhifələrində dövlət başçısının Lerik və Neftçala rayonlarının sosial- iqtisadi inkişafı üçün hər birinə 2 milyon manat vəsait ayrılması haqda sərəncamlarının mətnlərini dərc ediblər.
“Azadlıq” qəzeti Milli Şuranın prezidentliyə vahid namizədi, tarixçi-professor Cəmil Həsənlinin dövləti idarə edə bilməyəcəyi haqda iddialara “necə olur ki, tarix elmləri namizədi İlham Əliyev dövləti idarə edə bilir, professor Cəmil Həsənli yox?” cavabını verib.
REAL hərəkatının təmsilçisi Natiq Cəfərli hərəkatın bütün üzv və təəssübkeşlərini C.Həsənliyə səs verməyə çağıracaqlarını bəyan edib.
Milli Şura təmsilçiləri qurumun nəzərdə tutulan 22 sentyabr aksiyasını “Milli Şuranın gücünün göstəricisi” kimi dəyərləndiriblər.
Həbsdə olan “NİDA” gənclər hərəkatının üzvü Rəşadət Axundova əlavə ittihamlara etiraz olaraq babasının özünü öldürməsinə qəzet “rejimin repressiyası ilk qurbanını verdi” mövqeyini ifadə edib.
Fövqəladə hallar naziri Kəmaləddin Heydərovun qəbuluna izdihamlı şikayətçi ordusu gəlməsini qəzet “iqtidarın iflası” kimi dəyərləndirir.
“Yeni Müsavat” Milli Şura sədri Rüstəm İbrahimbəyovun sədrlikdən istefa verməyə hazırlaşması haqda xəbər yayaraq bunu “onun müxalifətlə yollarını birədəflik ayırması” kimi nəzərə çatdırır.
Prezidentliyə namizədlər İTV vasitəsilə bütünlükdə təbliğat-təşviqat kampaniyası dövründə ödənişsiz olaraq tele-efirdən 3 saat (hər namizədə 18 dəqiqə), daha 3 saat radiodan istifadə edə biləcək.
Dərs ilinin başlamasını xatırladan qəzet bu il birinci sinifə 141166 şagirdin gedəcəyini qeyd edir.
“Bakı Xəbər” yazır ki, İranın iqtisadiyyat naziri Güney Azərbaycan ərazisindəki Urmiya gölünün yarısının artıq quruduğunu təsdiq edib.
Cəmiyyət
-
Abunəçilər artıq Azercell-in Eksklüziv ofisləri ilə yanaşı, diler ofislərində də rəqəmsal şəxsiyyət vəsiqəsilə rahat və operativ xidmətdən yararlana bilərlər Abunəçilərinə ən yaxşı müştəri təcrübəsini təqdim etməyi hədəfləyən “Azercell Telekom” MMC artıq bütün satış və xidmət mərkəzlərində rəqəmsal şəxsiyyət vəsiqəsinin tanınmasını təmin edib. 16 sentyabr 2024-cü il tarixindən etibarən müştərilər Azercell Eksklüziv ofisləri ilə yanaşı, diler mağazalarında da rəqəmsal şəxsiyyət vəsiqəsi ilə istənilən əməliyyatı həyata keçirə bilərlər. Bunun üçün “mygov” tətbiqində şəxsiyyət vəsiqəsinə aid QR kodu və ya 8 simvollu unikal kodu təqdim etmək kifayətdir.
-
Azercell-in dəstəyi ilə şagirdlərimiz İT sahəsində uğurlu nəticələr göstərməyə davam edirlər Cari ilin sentyabr ayında məktəblilərimiz informatika fənni üzrə iki beynəlxalq olimpiadada ölkəmizi uğurla təmsil ediblər. Belə ki, 1-8 sentyabr 2024-cü il tarixlərində Misirin İsgəndəriyyə şəhərində məktəblilərin 36-cı Beynəlxalq İnformatika Olimpiadası (IOI), sentyabr ayının 8-12 aralığında isə Səudiyyə Ərəbistanın Ər-Riyad şəhərində dünyanın Birinci Beynəlxalq Süni İntellekt Olimpiadası (IAIO) baş tutub.
-
Bu gün, sentyabrın 16-da Azərbaycanda yeni tədris ili başlayıb. Məktəbəqədər və Ümumi Təhsil üzrə Dövlət Agentliyinin açıqlamasına görə, 2024-2025-ci tədris ili üzrə I sinfə 132 min 261 uşaq qəbul olunub. Bu, ötən ilin göstəriciləri ilə müqayisədə azdır. Elm və Təhsil Nazirliyinin məlumatına görə, 2023-2024-cü tədris ilində ölkənin ümumtəhsil məktəblərinin I sinfinə 137 min 862 uşaq qəbul olmuşdu.
-
Sentyabrın 17-də Bakıda və Abşeronda havanın buludlu olacağı gözlənilir, gecə və səhər bəzi yerlərdə yağış yağacaq. Bu barədə Milli Hidrometeorologiya Xidmətinin məlumatında deyilir. Şimal-şərq küləyi əsəcək. Havanın temperaturu gecə müsbət 15 + 20, gündüz müsbət 24 + 27 dərəcə olacaq.
Rəy yaz