İlk dərs günü

Bu gün Azərbaycanda 2013-2014-cü tədris ili başlayıb. Ölkənin 4515 ümumtəhsil, 36 dövlət və 15 özəl ali təhsil məktəbi, onlarla peşə məktəbi qapılarını şagird və tələbələrin üzünə açıb. 

Təhsil Nazirliyinin məlumatına görə, bu il birinci siniflərə 141 166 şagird qəbul edilib. 

Bu il ölkədə 144 yeni məkətb binası, 13 mövcud məktəbdə əlavə tədris korpusu tikilib. 115 məktəb əsaslı təmir olunub. 

Bu il təhsil işçilərinin əmək haqları 10 faiz artırıllsa da müəllimlərin aylıq əmək haqqının az olması əsas problem olaraq qalır. Bununla yanaşı ölkənin ucqar  kənd məktəblərində ixtisas üzrə müəllimlər çatışmır. 

Əsas problemlərdən biri də məktəb tikintisində korrupsiya hallarıdır. Ekspertlərin hesablamalarına görə, eyni sayda şagirdin olduğu, eyni tipli məktəblərin tikintisində vəsait xərclənməsində xeyli miqdarda fərqlər var. İki il öncə prokurorluq orqanları məktəb tikintisində yol verilmiş sui-istifadə halları ilə bağlı cinayət işi  başlayıb.

Xatırladaq ki, son 6-7 ildə 2000-dən çox məktəbdə əlavə korpuslar tikilib, əsaslı təmir olunub. -03B-