“Azadlıq” qəzeti İsmayıllı rayon icra başçısı Nizami Ələkbərovun vəzifəsindən azad olunmasını qardaşı nazir Füzuli Ələkbərovun da durumunu gərginləşdirdiyini yazaraq bunu “Ələkbərovların kitabının bağlanması” kimi dəyərləndirir.
Ölkədə məmurların, deputat və digər ictimai xadimlərin şəxsi həyat və görüşlərinin gizli cəhətlərini razılığı olmadan audio-video lentə alınmasını qadağan edən qanun layihəsinin hazırlanmasını ekspertlər “iqtidarın aşkarlıqdan qorxması” adlandırır.
Müsavat Partiyasının Lənkəran təşkilatı yerləşdiyi ofisdən çıxarılıb, qapısı hörülüb.
2012-ci ilin 20 oktyabr və 17 noyabr aksiyalarında həbs olunan 17 nəfər müxalifətçi siyasi fəalla bağlı Avropa məhkəməsinə göndərilən işdə Azərbaycan hökumətinin 350 min avrio cərimə olunması istənilir. Məhkəmənin qərarı ilə müəyyən edilən cərimələri əsassız sayaraq ödəmədiklərinə görə məhkəmə icraçılarının müxalifət fəallarının evlərinə basqınları “iqtidarın növbəti təzyiqi” adlandırılır.
“Zerkalo” İsmayıllı rayon icra başçısı Nizami Ələkbərovun vəzifəsindən azad olunmasına “İsmayıllı etirazının əks-sədası” mövqeyini ifadə edib.
“Ekspress” hərbi mənbələrə istinadən son bir həftə ərzində cəbhədə təxribat törətmək istədiklərinə görə 7 erməni hərbçisinin öldürüldüyünü, daha 4 hərbçinin yaralandığını yazır.
Dağlıq Qarabağda Azərbaycana qarşı başlanan separatizmin 25 illiyilə bağlı Moskvada keçirilən toplantıda Qarabağın müstəqilliyini Ermənistan və Rusiyanın tanıması əsas hədəf olub.
Tələbə Qəbulu üzrə Komissiyanın sədri Məleykə Abbaszadə 15 yaşlı uşaqların bilik səviyyəsinə görə Azərbaycanın 57 ölkə arasında 56-cı olduğunu nəızərə çatdırıb.
“Exo” yazır ki, Rusiya KİV-ləri Azərbaycanın plan üzrə hərbi təlimlərini “partlayış təhlükəsi durumu” kimi dəyərləndiriblər.
“Novoe Vremya” ölkə rəsmilərinə ədalətli seçkilərə ciddi hazırlaşmaq vaxtının çatması çağırışını edərək “zaman gözləmir” mövqeyini bildirir.
“Bizim yol” bu günlərdə barəsində 3 aylıq həbs qətimkan tədbiri seçilən keçmiş deputat Gülər Əhmədovanın işinə xitam verilə biləcəyini yazır.
Deputat Cavanşir Paşazadə Astarada sahibkarların dəniz sahili boyunca obyektlərini sökdürüb, sahili hasara aldırıb. Qəzet bununla bağlı “Astarada etiraz askiyası gözlənilir” qənaətini ifadə edir.
İqtisadçı Qubad İbadoğlu ölkənin iqtisadi durumuna “iqtisadi mənzərənin “raxit” uşağı xatırlatması” rəyini verib.
“Yeni Müsavat” həbsə alınan eks-deputat Gülər Əhmədovanın sərvətinin siyahısının tutulduğunu ilk səhifəyə çıxarıb.
Müdafiə Nazirliyi fevralın 20-də ermənilərin Xocalı aeroportundan uçuşa hazırlaşdığını müəyyən edib. Qəzet bunu Moskvanın təhlükəli ssenari hazırlaması sayır.
Deputat Vahid Əhmədov 2012-ci il 1 mart olaylarına görə ancaq o zamankı icra başçısı Rauf Həbibovun günahkar olduğunu bildirib.
Taninmiş ziyalı Rafiq Əliyev rəsmi Bakının Rüstəm İbrahimbəyovu həbsə almaq səylərinə “dünya ilə açıq münaqişəyə girmək” şərhini verib.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz