Rəsmi qəzetlər dövlət başçısı İlham Əliyevin Pirallahı rayonunda olması, bəzi obyektlərin açılışında iştirakı, rayondakı quruculuq işləri haqda xəbərləri ilk səhifələrdə yerləşdiriblər.
“Azadlıq” qəzeti bir neçə ay öncə Azərbaycandan keçərək Gürcüstanda ifşa edilən 3 ton heroin məsələsinin Gürcüstandakı təhqiqatına beynəlxalq ekspertlərin cəlb edilməsi xahişilə bağlı qaçqınkom sədri Əli Həsənovun BMT-yə müraciətini “Gürcüstandakı təhqiqatın iqtdiarı narahat etməsi” sayaraq ilk səhifəyə çıxarıb.
Milli Şuranın 12 oktyabr mitinqində İŞİD terrorçu qruplaşmasının bayrağının qaldırılmasını rəsmi Bakının israrla quruma sırımaq cəhdini ekspertlər “iqtidarın reqressiv siyasətini İŞİD-lə sığortalamq cəhdi” adlandırırlar.
Hökumətini Neft Fondundan 2015-ci ilin dövlət büdcəsinə 10 milyard manat transfer edilməsi təklifinə ekspertlər “təhlükəli büdcə təklifi” şərhini veriblər.
Ekspertlərə görə, dünya bazarında neftin ucuzlaşması ilə bağlı Azərbaycan büdcəsi hər bir dollar ucuzlaşmaya görə gündə 700 min dollar itirir.
Azərbaycanın Rusiyadan silah alması ilə bağlı razılaşmasını ekspertlər rəsmi Bakının Rusiyadan asılı duruma düşməsi kimi dəyərləndiriblər.
“Ekspress” Rusiyanın Azərbaycana Xəzərdə kollektiv təhlükəsizlik sisteminin yaradılması təklifini önə çəkərək bunu “Xəzərin “özgələrə qapadılması” sayır.
“Exo” 2015-ci ilin dövlət büdcəsində neftin qiymətinin 90 dollar həddində müəyyən edilməsini ilk plana çıxarıb.
“Novoe Vremya” Avropa Məhkəməsini Azərbaycanda siyasi məhbuslara yanaşmada ayrı-seçkilikdə ittiham edərək quruma “qərəz nümayiş etdirməmək” mövqeyini sərgiləyir.
“Bizim yol” 2015-ci ilin dövlət büdcəsində vergi daxilolmalarının cəmi 0,1% artım proqnozlaşdırılmasını ilk səhifədə yerləşdirib.
Sumqayıtdakı “Karvan” Ticarət Məkəzinin yanması ilə bağlı obyekt sahibi Ağamirzə Əhədov qəzetə “yanmayıb, yandırıblar” açıqlamasını verib.
Xarici donorlarla işləyən QHT-lərin fəaliyyətini qəbul etməyəcəyi haqda rəsmi Bakının bəyanatına ekspertlər “xarici donorla işləyən QHT-lər dövrü bitdi” şərhini veriblər.
“Yeni Müsavat” Kremlin Avrasiya İttifaqına üzv olmaq üçün rəsmi Bakının Qarabağın qaytarılması şərtini irəli sürdüyü iddiasını ön plana çıxarıb.
Harada olduğu bilinməyən RATİ sədri Emin Hüseynovun adından yayılan bəyanata qurum bu ilin avqustundan yoxa çıxan sədrlə əlaqənin olmadığı qarşılığını verib.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz