Mətbuat-Monitorinq 16.05.13

Rəsmi və hökumətyönlü qəzetlər dövlət başçısının bir sıra sərəncamlarının mətnlərini  ilk səhifələrində yerləşdiriblər. Bu sərəncamlara əsasən su təsərrüfatı sistemində çalışanlar dövlət mükafatları ilə təltif ediliblər, əkin sahələrinin suvarma,  əhalinin içməli su ilə təminatının yaxşılaşdırılması üçün “Meliorasiya və Su təsərrüfatı” ASC-yə 6 milyon manat vəsait ayrılıb. 

“Azadlıq” qəzeti dövlət başçısı İlham Əliyevin keçmiş köməkçisi Tariyel Ağayevin adının Almaniya vətəndaşının qətlində keçməsini manjetə çıxarıb.

İnternet resurslarında şəxsiyyəti həqarətə görə rəsmi Bakının cəza nəzərdə tutmasına Jurnalistləri Beynəlxalq Müdafiə Təşkilatı, ATƏT-in KİV azadlığı üzrə xüsusi nümyəndəsi Dünya Miyatoviç etiraz bildirib.   

ABŞ-ın ATƏT-də səfiri İan Kelly rəsmi Bakının kütləvi aksiyalara reaksiyası ilə bağlı ABŞ hökumətində narahatlıqlar olduğunu bildirib. 

İqtisadçı ekspertlər bu il İsveçdə keçirilən “Eurovision” yarışmasına cəmi 20 miyon dollar, ötən il Bakıda keçirilən bu müsabiqəyə 630 milyon manat xərcləndiyini nəzərə çatdırır. 

“Zerkalo” Bakı-Novorossiysk boru xəttilə Azərbaycan neftinin nəqlinin dayandırılmasını ön ilk səhifəyə çıxarıb və buna “Azərbaycan-Rusiya: qarşıdurmanın nümayiş etdirilməsi” mövqeyini ifadə edir.  

17 saylı Sumqayıt şəhər məktəbində dərsə gecikdiyinə görə müəllimənin qaçışla cəzalandırdığı Azad İlyasovun ölümünə görə məktəbin direktoru və müavini işdən azad edilib. 

“Exo” qeyd edir ki, ekspertlər 1,3,5 qəpiklik sikkələrin maya dəyəri alıcılıq qabiliyyətindən baha olduğu üçün onların dövriyyədən yığışdırılmasını təklif edirlər. 

“Novoe Vremya”  yazır ki, Rusiyanın “Transneft” şirkəti Bakı-Novorossiysk boru xəttilə Azərbaycan neftinin dayandırılmasına “Azərbaycan öz öhdəliklərini yerinə yetirmir” açıqlamasını verib. 

“Bizim yol” qəzeti “Texnikabank” əməkdaşlarının məhkəməsində bir çox şahidlərin müttəhimlərin əleyhinə ifadə vermədikləri halda saxta ifadələrin üzə çıxmasını ilk səhifəyə çıxarıb. 

İctimai Palatanın Koordinasiya Şurasının üzvü Rafiq Manaflı müxalifət düşərgəsində Milli Şura qurumunun yaradılmasını “İctimai Palatanın taleyinin qeyri-müəyyənliyə düşməsi” kimi dəyərləndirib. 

“Yeni Müsavat” ABŞ-ın Bakıdan repressiyaları dayandırması tələbini ön səhifəyə çıxarıb.

Media təmsilçiləri İnternet resurslarında böhtan və təhqirə görə cəzaların qanunla sərtləşdirməsinə “ qanunun təsdiqlənməsi qalmaqala səbəb olacaq” şərhini veriblər. 

Ermənistan XİN rəhbəri Edvard Nalbandayn Azərbaycan tərəfi razı olduğu halda Qarabağ münaqişəsinin tənizmlənməsi üçün 6 prinsipi imzalamağa hazır olduğunu deyib, prinsiplərin mahiyyəti isə açıqlanmır.