Amnesty International: Azərbaycanda prezident seçkiləri ərəfəsində İnternetə nəzarət sərtləşdirilir

Azərbaycan hakimiyyəti qarşıdakı prezident seçkilərindən tənqidi səsləri boğmaq üçün istifadə etməməlidir. Bu barədə Amnesty İnternational Beynəlxalq Hüquq Müdafiə Təşkilatının bəyanatında deyilir.

Aİ İnternetdə böhtana görə cinayət cəzasını nəzərdə tutan  düzəlişlərin qəbulu ilə əlaqədar bildirib ki, bu dəyişikliklər icazəsiz dinc aksiyalarda iştiraka görə cəzaların artırılmasından sonra ifadə azadlığına növbəti hücum oldu.

“Azərbaycan hakimiyyəti tənqidi səslərdən qorxur və bu dəyişikliklər fikrin ifadə edilməsinin son məkanı olan İnterneti susdurmaq istəyidir”, - təşkilatın direktor müavini Devid Dias Joqe bildirib. O qeyd edib ki, hakimiyyət bununla prezident seçkiləri dövründə istənilən tənqidi boğmaq istəyir.

10 ildir ki, İlham Əliyev hökuməti ifadə azadlığını məqsədyönlü şəkildə sərtləşdirir və məhdudlaşdırır. Bu, güc, müxalifətçilərə və vətəndaş fəallarına fiziki təzyiqlərin göstərilməsi, həmçinin qanunverici məhdudiyyətlərin qoyulması yolu ilə həyata keçirilir. -02D-