Mətbuat-monitorinq 17.01.15

Rəsmi qəzetlər dövlət başçısı İlham Əliyevin Türkiyə səfərinə dair xəbərləri və “Dövlət ümumi təhsil müəssisələrində çalşan bilik və bacarıqlarının diaqnostik qiymətləndirilməsi aparılan müəllimlərin dərs yükünün və maaşlarının artırılması haqda” sərəncamının mətnini ilk səhifələrə yerləşdiriblər.

“Azadlıq” qəzeti Daxili Qoşunlar heyətilə görüşdə nazir Ramil Usuboun “heç kəsə ölkədə sabitliyi pozmaq imkanı verilməyəcəyi” bəyanatına diqqət çəkərək, bunu nazirin “özünüqoruma bəyanatı” kimi dəyərləndirir.

Qəzetə görə, Qərbin demokratiya tələblərini yerinə yetirməmək üçün rəsmi Bakının istifadə etdiyi “Kremlə sığınacağı, enerji amili, İran kimi “təhlükəli” qonşu, ölkənin müharibə şəraitində olması, Əfqanıstana yüklərin Azərbaycandan daşınması” kimi beş təzyiq rıçaqının “yararlılıq müddəti” artıq başa çatıb.

Qəzet hüquq müdafiəçilərinə isnadən yazır ki, neftin ucuzlaşması ilə bağlı ixtisarlar “Azəriqaz” sisteminə çatıb, bir şox rayonlarda əməkdaşlara işdən çıxarılma xəbərdarlığı edilib.  

Dünya İqtisadi Forumunun ekspertləri 2015-ci ildə dövlətlərarası münaqişələrin, hakim rejimlərin çöküşünün, dövlətlərin dağılması kimi risklərin artacağını bəyan ediblər.

Qəzet diqqəti bilik və bacarıqları diaqnostik qiymətləndirilməsi aparılmış müəllim kontingentinin dərs yükünün 1,5, maaşlarının isə 2 dəfə artırılması haqda dövlət başçısının sərəncamına çəkərək, sərəncamın tələblərinin 150 mindən çox müəllimdən ancaq 30 min nəfərinə tətbiq olunacağını bildirir.

“Xəzər” Hərbi Tədqiqatlar İnstitutu 2014-cü ildə təhlükəsizlik və müdafiə sektorunda itkilərə toxunaraq, 91 nəfərin həlak olduğunu, 117 nəfərin yaralandığını və ya xəsarət aldığını bildirir.

“Ekspress” qəzeti “LUKoyl” şirkətinin rəhbəri Vahid Ələkbərovun dünya bazarında neftin qiymətinin 25 dollara qədər enəcəyi haqda bəyanatını diqqət mərkəzinə çəkib.

“Bizim yol” qəzeti Bakıda, Xudu Məmmədov küçəsində yerləşən “Murad” adlı aptekdə uyuşdurucu satılması kimi fakt olduğunu ilk plana çıxarıb.

Bakının tarixi “sovetski məhəlləsi”ndə söküntülərin dayandırıldığına toxunan qəzet bunu “neftin qiymətinin düşməsinin hökuməti iri layihələri təxirə salmağa vadar etməsi” kimi dəyərləndirir.

Bir qrup məhbusun keçən ilin sonunda 14 saylı həbsxanada işgəncələrə məruz qalması haqda məhbus yaxınlarının açqılamasına baxmayaraq, ombudsman aparatı əməkdaşları məhbuslara işgəncə verilmədiyi bəyanatı səsələndirib.

“Sumqayıt Regional Elektrik Şəbəkəsi” MMC-də kütləvi ixtisarlar başlanıb, artıq 100 nəfər əməkdaş ilə müqaviləyə xitam verilib.

“Yeni Müsavat” qəzeti 24 aprel “erməni genosidi” günü tarixi “Çanaqqala Zəfəri”nin 100 illiyini bayram etmək üçün Türkiyə prezidenti Erdoğanın türk dövlət başçılarını ölkəyə dəvətini önə çəkir, qəzet təşəbbüsü “saxta soyqırım yerinə ortaq türk zərbəsi” adlandırır.

Qəzetə görə, rəsmi Bakının bank hesablarını bağladığı QNT-lər Gürcüstanda qeydiyyata alınır, nağd pul kapitalı üçün Tbilisidə bank  hesabları açılır və qəzet bunu “Azərbaycanın QHT sektoruna Qərbdən “nəfəslik”” kimi dəyərləndirir.

Ekspertlər ölkəyə idxal edilən qızıla aksiz vergisi dərəcəsi artırıldıqdan sonra son bir ayda qızılın qiymətinin 20-30 % bahalaşdığını və bu bahalaşmanın davam edəcəyini bildiriblər.