Rəsmi qəzetlər dövlət başçısı İlham Əliyevin fərman və sərəncamlarının mətnlərini ilk səhifələrə yerləşdiriblər. Bundan əlavə, “Gəncə imamzadəsi”nin təmiri üçün 3 milyon manat ayrılıb.
“Azadlıq” qəzeti ABŞ-ın Azərbaycandakı səfiri R.Morninqstarın müsahibəsini ilk səhifəyə çıxararaq onun “bəzən elə olur ki, hökumət lazımsız işlər görür, heç kimin maraqlarına xidmət etmir, heç hökumətin də” mövqeyini xüsusi qeyd edir.
Qəzet “Putinin emissarı” adlandırdığı Rusiya Dumasının sədri Sergey Narışkinin iyunda Bakıya səfərinin təkcə ATƏT PA-nın iclasında iştirakla yox, həm də rəsmi Kremlin mesajlarını İlham Əliyevə çatdırmaqla bağlı olduğunu iddia edir.
Təzyiqlərə məruz qalan hüquq müdafiəçisi Leyla Yunusun həyat yoldaşı Arif Yunusun qardaşı Ramiz Yunus ABŞ-da senator B.Kardinlə görüşüb və görüşdə Azərbaycanda insan haqlarının durumu müzakirə edilib.
Azərbaycanın ABŞ-da lobbiçiliyə ən çox pul xərcləyən 10-cu ölkə olduğunu yazan qəzet bu fəaliyyətin Azərbaycan üçün elə ciddi əhəmiyyəti olmadığını qeyd edir.
Son 1 ayda ölkədə 18 nəfəri ilan, 4 nəfəri əqrəb, 3 nəfəri isə qaraqurd sancıb.
“Ekspress” Beyləqan korpusunun komandanı, general-mayor Ayaz Həsənovun vəzifəsindən azad olunması haqda xəbəri önə çəkib.
Qəzet deputat Ziyad Səmədzadənin yaxın 2-3 ildə dövlət büdcəsinin 100 milyard manata çatacağı haqda açıqlamasına “büdcə üçün superproqnoz” adlandırır.
“Novoe Vremya” ölkədə korrupsiyaya qarşı mübarizənin yalnız imitasiya olduğunu bəyan edərək “korrupsiyaya qarşı real mübarizə lazımdır, imitasiya yox!” mövqeyini bildirir.
“Bizim yol” “Hafka” ləqəbli iş adamı Hafiz Məmmədova məxsus “Bank of Azerbaijan”da yoxlama aparılması üçün Beynəlxalq Bankdan xüsusi qrupun göndərilməsi haqda xəbəri manjetə çıxarıb.
Ekspertlər dəmiryol sistemində yükdaşımanın kəskin azalmasını, minlərlə vaqonun yoxa çıxmasını əsas gətirərək “dəmir yolunun iflas həddində olduğunu” iddia edirlər.
“Yeni Müsavat” ədliyyə generalı Xanlar Ələkbərovun villasının qanunsuz sökülməsini ilk səhifəyə çıxararaq generalın bu qanunsuzluğu törədən şəxslərdən izahat ala bilməməsini diqqətə çatdırır.
Müsavat Partiyasının qurultay keçirməsi üçün Bakı meriyasının nəzərdə tutduğu Səttar Bəhlulzadə adına mədəniyyət sarayının direktoru saray səhnəsinin qəzalı durumda olduğunu və hər an uça biləcəyi ehtimalını bildirib.
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz