“Azadlıq” qəzeti NATO-nun tədbirində Leyla Yunusun plakat qaldırmasını, vitse-spiker Ziyafət Əsgərovun keçmiş səfir Metyu Brayzaya hücum etməsi faktlarını “NATO-nun Bakı seminarında qalmaqal” adı ilə ilk səhifəyə çıxarıb.
Ölkə daxilində vətəndaş azadlıqlarını təmin etməyən dövlət başçısı İlham Əliyevin Afinada Akropolu (Azadlıq Məbədi) ziyarət etməsini qəzet “Azadlığı qətlə yetirib, Azadlıq məbədini ziyarət etmək məntiqi” kimi dəyərləndirir.
Qəzet rəsmi Bakının Ermənistana gedənlərə qadağa qoymasını, amma Bakıda ermənilərlə eyni masa ətrafında əyləşməsini tənqid edərək bunu “iqtidarın uğursuz “ persona non qrata” siyasəti” adlandırır.
20 min nəfər XI sinif şagirdindən 11 min nəfərinin buraxılış imtahanında “2” qiymət almalarını ekspertlər “mövcud təhsil siyasətinin xalqı uçuruma sürükləməsi” hesab edirlər.
“Bizim yol” NATO-nun Bakı sammitində vitse-spiker Ziyafət Əsgərovun ABŞ-ın xarici siyasətini tənqid etməsini “NATO-nun Bakı tədbirində qalmaqal” kimi təqdim edərək ilk səhifəyə çıxarıb.
Qəzet Vətəndaş Həmrəyliyi Partiyasının Internet təxribatı ilə üzləşərək patiyaya aid İnternet resurslarından ictimai-siyasi xadimlərə təhqirlər göndərildiyini nəzərə çatdırır.
Qəzetin yazdığına görə, ABŞ MDİ Azərbaycandakı fəaliyyətini dayandırmaq və Bakı nümayəndəlyini bağlamaq barədə qərar verib.
“Yeni Müsavat” ölkə daxilində demokratik qüvvələrin yeni birliyinin yaradılmasını iqtidarın daxildən sıxışdırılmağa başlanılması adlandıraraq bunu cəmiyyətə “ABŞ-ın yeni Azərbaycan planı” kimi təqdim edir.
Qəzet Bakı Şəhər İcra Hakimiyyətinin başçısı Hacıbala Abutalıbovun oğlu İsrafil Abutalıbovun İŞİD silahlı terror qruplaşmasını dəstəklədiyini, Suriyada döyüşən vəhabilərə yardımlar etdiyini bəyan edir.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz