Mətbuat-Monitorinq 17.06.15
Rəsmi qəzetlər Avropa Oyunları ilə bağlı mövzulara geniş yer verirlər.
“Azadlıq” qəzeti Avropa Məhkəməsinin Azərbaycanda seçki şikayətlərinin baxılmasının sürətləndirilməsini, bu il Azərbaycanda parlament seçkiləri ərəfəsində qərarın açıqlanacağını yazaraq bunu “AŞ-dan iqtidara növbəti zərbə” adı ilə manjetə çıxarıb.
Qəzet yazır ki, Avropa Oyunlarının könüllüsü, Cəbrayıl rayon qaçqını Seymur Səfərov “Lider” telekanalının təşəbbüsü ilə “xarici turist” kimi iqtidarı tərifləyib, bu saxtakarlığın üstü açılıb, telekanal onu “təxribatçı” sayıb, könüllü kimi S.Səfərovun akreditə kartı ləğv edilib.
AŞPA iyunun 22-26-da keçirilən sessiyasında “Azərbaycanda demokratik institutların fəaliyyəti” hesabatını müzakirəyə çıxarmağı nəzərdə tutur.
BMT-nin Insan Haqları Şurasının sərbəst toplaşma azadlığı üzrə məruzəçisi Maina Kiai Azərbaycan nümayəndə heyətinin iki üzvü tərəfindən Azərbaycanla bağlı tənqidi fikir söyləməməsilə bağlı hədə-qorxu gəlindiyini bildirib.
AŞPA komitəsinin Avropa məhkəməsinə Azərbaycandan hakimliyə irəli sürülən 3 namizədin heç birini qəbul etməyib, müstəqil hüquqşünaslar fakta “bu şəxslərin heç birinin ölkəni təmsil etməyə layiq olmadığı” rəyini veriblər.
“Yeni Müsavat” qəzetinin Milli Şuraya qarşı hücumlarını qurum məsulları “iqtidardan quruma qarşı qarayaxma kampaniyası təlimatı almaları” hesab edirlər.
Ölkədəki iş adamlarının obyektlərini kütləvi satışa çıxarmaları haqda qəzetə şərh verən ekspertlər bu faktı“sahibkarlara qarşı yönəldilən qanunsuz və sayğısız addımların yaratdığı vəziyyət” sayırlar.
“Ekspress” rusiyalı politoloqun “AzərbaycanTürkiyə-Rusiya enerji ittifaqı”nın yaranması kimi iddiasını önə çəkib.
Qəzet ekspertlərə isnadən Azərbaycana kredit qoyuluşunun azaldığını, problemli kreditlərin həcminin isə artdığını nəzərə çatdırır.
Bakı şəhər yol polisi Avropa Oyunları idmançılarını hərəkəti üçün nəzərdə tutulan yol zolaqlarına çıxdıqlarına görə 1800-dən çox sürücünün məsuliyyətə cəlb olunduğunu bildirir.
“Exo” Azərbaycanın “plastik kütlə ziblilliyi”ndən xilas olması üçün 64 emal zavodunun qurulmasının zəruri olması qənaətini diqqət mərkəzinə çəkib.
“Bizim yol” MTN-in PKK-ya qoşulan azərbaycanlı tələbələrlə bağlı araşdırmaya başlamasını ilk səhifəyə yerləşdirib.
Qəzet araşdırmalara isnadən Bakının mərkəzində obyektlərin icarə qiymətlərinin “əl yandırdığını”, 140 kv.metrlik dükanın 10 min manata təklif olunduğunu qeyd edir.
“Yeni Müsavat” səfiri Arif Məmmədovun istefa verməsinə səbəb kimi keçmiş baş nazir müavini Abbas Abbasovla yaxın olması iddiasını ilk səhifəyə çıxarıb.
BMT Ali Komissarı Zeyd Raad rəsmi Bakını siyasi məhbusları azad etməyə və vətəndaşların ədalətli məhkəmə hüququnu təmin etməyə çağırıb.
-
- Foto sessiyalar
- 17 İyun 2015 02:51
-
- Mədəniyyət
- 17 İyun 2015 12:48
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz